اعىمداعى جىلدىڭ 17 قازانىندا ساعات 08:00-دەن 15:00-گە دەيىن مايلين كوشەسى، 2 مەكەنجايىندا ورنالاسقان الماتى قالاسىنىڭ حالىقارالىق اۋەجايى اۋماعىندا جوسپارلى انتيتەررورلىق وقۋ-جاتتىعۋلار وتەدى. ءىس-شارا بارىسىندا اۋە جانە اۆتوكولىك قوزعالىسىنا شەكتەۋ قويۋ قاراستىرىلماعان.
وقۋ-جاتتىعۋلاردىڭ ماقساتى – كولىك ينفراقۇرىلىمى نىساندارىندا تەرروريزم اكتىسىنىڭ الدىن الۋ جانە ونى توقتاتۋ تەتىكتەرىن جەتىلدىرۋ.
ازاماتتاردى قاۋىپسىزدىك شارالارىن ساقتاۋعا جانە مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا شاقىرامىز.
سونداي-اق رەسمي اقپارات كوزدەرىنە سۇيەنىپ، جالعان اقپارات تاراتپاۋ قاجەتتىگىن ەسكەرتەمىز.
سونىمەن قاتار، ق ر اقبك-نىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىسۋشى ادامنىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعاتىنىن نازارعا سالامىز.