2023 جىلدىڭ 14 قاڭتارى مەن 6 ناۋرىزى ارالىعىندا رەيستەر سانى ازايادى.
«جولاۋشىلار تاسىمالى» اق №105/106 الماتى-پەتروپاۆل پويىزىنىڭ ءجۇرۋ جيىلىگىنە وزگەرىس ەنگىزىلگەنىن مالىمدەدى، دەپ حابارلايدى اlmaty-akshamy.kz
2023 جىلدىڭ 14 قاڭتارى مەن 6 ناۋرىزى ارالىعىندا تاسىمال جيىلىگى وزگەرەدى. پويىز بۇرىن كۇن سايىن جۇرەتىن بولسا، ەندى كۇن ارا قاتىنايدى. بۇعان تالگوداعى جوندەۋ جۇمىستارى سەبەپ بولعان.
پويىزدىڭ قاتىناۋ جيىلىگى تومەندەگىدەي:
- الماتىدان قاڭتار ايىندا تاق كۇندەرى، اقپان/ناۋرىزدا جۇپ كۇندەرى جۇرەدى.
- پەتروپاۆلدان قاڭتاردا – جۇپ، اقپان/ناۋرىزدا تاق كۇندەرى جۇرەدى. «توقتاتىلعان رەيستەرگە جول ءجۇرۋ قۇجاتىن بۇرىن راسىمدەگەن جولاۋشىلارعا جولاۋشىلاردى، باگاجدى، جۇكتى جانە تەمىرجول كولىگىمەن پوشتا جونەلتىلىمدەرىن تاسىمالداۋ قاعيدالارىنا سايكەس بيلەت قۇنى تولىق قايتارىلادى. ۇلتتىق تاسىمالداۋشى تۋىنداعان قولايسىزدىقتار ءۇشىن كەشىرىم سۇرايدى»، - دەلىنگەن حابارلامادا.