الماتىدا «AMANAT» پارتياسى قالالىق فيليالىنىڭ ساياسي كەڭەسى بيۋروسى مەن ءماسليحاتتاعى دەپۋتاتتىق فراكسيانىڭ كەڭەيتىلگەن وتىرىسى ءوتتى.
جيىنعا پارتيا مۇشەلەرىمەن قاتار، قالا اكىمىنىڭ ورىنباسارى الىشەر ءابدىقادىروۆ جانە قالالىق باسقارمالاردىڭ جەتەكشىلەرى قاتىستى، دەپ حابارلايدى
كەزدەسۋ بارىسىندا پارتيانىڭ 2023–2027 جىلدارعا ارنالعان سايلاۋالدى باعدارلاماسىن جۇزەگە اسىرۋعا باعىتتالعان جول كارتاسىنىڭ ورىندالۋ بارىسى جانە 2025 جىلعا ارنالعان جۇمىس جوسپارلارى قارالدى. پارتيانىڭ قالالىق فيليالىنىڭ ءتوراعاسى ستانيسلاۆ كانكۋروۆ وتىرىستى اشىپ، پارتيا باستامالارىنىڭ كۇندەلىكتى ومىردە ناقتى ناتيجە بەرۋى ءتيىس ەكەنىن اتاپ ءوتتى.
«ءبىزدىڭ ماقسات – جاي عانا جوسپار قۇرىپ، ەسەپ بەرۋ ەمەس. ەڭ ماڭىزدىسى – تۇرعىندار وسى جۇمىستىڭ شىنايى ناتيجەسىن كۇن سايىن سەزىنۋى كەرەك. ول ءۇشىن ناقتى ىسكە كوشىپ، حالىقپەن بايلانىس ورناتۋ جانە دەپۋتاتتاردىڭ جەكە جاۋاپكەرشىلىگىن ارتتىرۋ ماڭىزدى»، – دەپ اتاپ ءوتتى «AMANAT» پارتياسى الماتى قالالىق فيليالىنىڭ ءتوراعاسى ستانيسلاۆ كانكۋروۆ.
سونىمەن قاتار، جول كارتاسى اياسىندا باسقارلمالار ەسەبى تىڭدالدى. ولار جول كارتاسىنىڭ ءتۇرلى باعىتتارى بويىنشا اتقارىلعان جۇمىستار جايلى بايانداپ، الدا تۇرعان مىندەتتەرگە توقتالدى.
وتىرىس بارىسىندا قالانىڭ الەۋمەتتىك-ەكونوميكالىق دامۋىنا قاتىستى ءبىرقاتار ۇسىنىستار ايتىلدى.
دەپۋتات بەكبول رامازان جاستاردى جۇمىسپەن قامتۋعا باعىتتالعان «جاستار پراكتيكاسى» باعدارلاماسىن جەتىلدىرۋ قاجەتتىگىن كوتەردى. يگور پروسەنكو وزەن ارنالارىنىڭ رەكونسترۋكسياسى مەن «سايران» كولىنىڭ ماڭىن اباتتاندىرۋ جۇمىستارى تۋرالى ايتتى. باقىتبەك جۇمابايەۆ قالاداعى مەديسينالىق مەكەمەلەر قۇرىلىسى مەن جاڭعىرتۋ شارالارىنا نازار اۋداردى.
ال التىناي كوبەيەۆا الەۋمەتتىك وسال توپتارعا ارنالعان «الەۋمەتتىك كارتا» جوباسىن كەڭەيتۋ ماسەلەسىن كوتەردى.
كەڭەيتىلگەن وتىرىس ناتيجەسىندە جول كارتاسىنىڭ ءار باعىتىنا جاۋاپتى دەپۋتاتتار قايتا بەكىتىلدى. سونداي-اق فراكسيانىڭ 2025 جىلدىڭ ءبىرىنشى توقسانىنداعى جۇمىسىنىڭ ناتيجەلەرى ۇسىنىلدى.
«AMANAT» پارتياسى الداعى ۋاقىتتا دا تۇرعىندارمەن كەرى بايلانىستى كۇشەيتىپ، ناقتى باستامالار ارقىلى ءومىر ساپاسىن ارتتىرۋ باعىتىندا جۇمىسىن جالعاستىرادى.