الماتىداعى №11 بالالار كولونياسىندا "تازا قازاقستان" ەكولوگيالىق اكسياسى اياسىندا سەنبىلىك ءوتتى.
الماتى قالاسى بويىنشا قاجد-عا قاراستى №11 مەكەمەدە "تازا قازاقستان" رەسپۋبليكالىق ەكولوگيالىق اكسياسى اياسىندا 27 ءساۋىر – "جاسىل ايماق" كۇنىنە وراي سەنبىلىك ۇيىمداستىرىلدى.
ءىس-شارانىڭ باستى ماقساتى – مەكەمە اۋماعىن اباتتاندىرۋ، كوگالداندىرۋ جانە ەكولوگيالىق سانا قالىپتاستىرۋ. سەنبىلىك جۇمىستارى مەكەمە باستىعىنىڭ تاربيە جۇمىسى جونىندەگى ورىنباسارىنىڭ باستاماسىمەن ءوتتى. مەكەمەنىڭ جەكە قۇرام قىزمەتكەرلەرى عيماراتتىڭ ىشكى جانە سىرتقى اۋماعىن تازالاپ، اعاش تۇپتەرىن اكتەپ، گۇلزارلارعا ساندىك گۇلدەر وتىرعىزدى. سونىمەن قاتار كوگالداندىرۋ جۇمىستارى اياسىندا اعاش كوشەتتەرى ەگىلىپ، مەكەمە اۋماعى ەكولوگيالىق تالاپتارعا ساي اباتتاندىرىلدى. مەكەمە باستىعى المات سۇلەيمەنوۆ سەنبىلىككە قاتىسۋشىلارعا ارناعان سوزىندە تابيعاتتى قورعاۋ مەن قورشاعان ورتانى تازا ۇستاۋدىڭ ءاربىر ازاماتتىڭ مىندەتى ەكەنىن اتاپ ءوتتى.
– اسەم قالامىز الماتىنىڭ تازالىعىن ساقتاۋ – بارشاعا ورتاق ءىس. ءار تۇرعىن وسىنداي سەنبىلىكتەرگە بەلسەندى قاتىسىپ، يگى ىسكە ۇلەس قوسسا، قالامىز كوركەيىپ، ەكولوگيالىق جاعداي دا جاقسارا تۇسەدى. "تازا قازاقستان" اكسياسى مەملەكەت باسشىسىنىڭ تاپسىرماسىنا سايكەس ءساۋىر ايىنان باستاۋ الدى. بۇل – قالالار مەن اۋىلدىق ەلدىمەكەندەردى تازارتۋ، اباتتاندىرۋ جانە كوگالداندىرۋعا باعىتتالعان كەڭ اۋقىمدى ەكولوگيالىق شارا. بارشاڭىزدى وسىنداي ىزگى باستامالارعا بەلسەندى قاتىسۋعا شاقىرامىن، – دەدى المات سۇلەيمەنوۆ.
مۇنداي سەنبىلىكتەر – تەك تازالىق شاراسى عانا ەمەس، ۇجىمدىق رۋحتى ارتتىرىپ، تابيعاتتى ايالاۋعا تاربيەلەيتىن ماڭىزدى ءىس-شارالار. اكسيا جالعاسىن تابادى.