ەلىمىزدىڭ سۋ قويمالارىنداعى بۇگىنگى جاعداي قانداي؟

سۋ رەسۋرستارى جانە يرريگاسيا مينيسترلىگى تاسقىن سۋىن قابىلداۋ جانە ءقاۋىپسىز وتكىزۋ ءۇشىن ەلىمىزدىڭ سولتۇستىك، باتىس، شىعىس جانە ورتالىق ايماقتارىنداعى ءىرى سۋ قويمالارىنان سۋ جىبەرىپ جاتىر.

24 ءساۋىر كۇنگى جاعداي كەلەسىدەي، دەپ حابارلايدى aqshamnews.kz سالا مينيسترلىگىنە سىلتەمە جاساپ. 

اقتوبە، قوستاناي جانە باتىس قازاقستان وبلىستارىنىڭ سۋ قويمالارىندا سۋ تاسقىنىنىڭ بەلسەندى كەزەڭى اياقتالدى.

اقمولا وبلىسىندا استانا سۋ قويماسىنان سەكۋندىنا 20،02 تەكشە مەتر، سىلەتى سۋ قويماسىنان 31،74 تەكشە مەتر، شاعالالى سۋ قويماسىنان سەكۋندىنا 0،6 تەكشە مەتر سۋ جىبەرىلۋدە.

شىعىس قازاقستان وبلىسىندا بۇقتىرما سۋ قويماسىنان سەكۋندىنا 1191 تەكشە مەتر، ال، وسكەمەن سۋ قويماسىنان 1270 تەكشە مەتر سۋ جىبەرىلۋدە.

اباي وبلىسىنداعى ءشۇلبى سۋ قويماسىنان سەكۋندىنا 3500 تەكشە مەتر سۋ جىبەرىلۋدە.

قاراعاندى وبلىسىندا ىنتىماق سۋ قويماسىنان سەكۋندىنا 8 تەكشە مەتر، سامارقاند سۋ قويماسىنان 2 تەكشە مەتر، شەرۋباي-نۇرا سۋ قويماسىنان 29،3 تەكشە مەتر سۋ جىبەرىلۋدە.

ۇلىتاۋ وبلىسى كەڭگىر سۋ قويماسىنان سەكۋندىنا 5،0 تەكشە مەتر سۋ جىبەرىلۋدە.

سولتۇستىك قازاقستان وبلىسىندا سەرگەيەۆ سۋ قويماسىنان سەكۋندىنا 1556،4 تەكشە مەتر، پەتروپاۆل سۋ قويماسىنان 2597،8 تەكشە مەتر سۋ جىبەرىلۋدە.