جاساندى جەلدەتۋ جۇيەسى بولماعان جاعدايدا ءۇي-جايدى جۇيەلى جەلدەتىلەدى
ق ر باس سانيتار دارىگەرىنىڭ رەفەرەندۋمعا دايىندىق تۋرالى قاۋلىسى شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قۇجات شىلدەدە وتەتىن رەسپۋبليكالىق رەفەرەندۋم الدىندا ۇگىت جۇرگىزۋ كەزىندە COVID-19 ينفەكسياسى تارالۋىنىڭ الدىن الۋ تالاپتارىن نۇسقايدى. ول تالاپتار مىناداي:
- ۇگىت ءىس-شارالارىن حالىقتىڭ كوپ جينالۋىن بولدىرمايتىن الاڭى بار ءۇي-جايلاردا وتكىزۋ؛
- ادامداردىڭ كوپ جينالۋىنا جول بەرمەي، ۇگىت ءىس-شارالارىنا قاتىسۋشىلاردىڭ اعىنىن رەتتەۋ؛
- ءۇي-جايلاردا جەلدەتكىش/اۋا باپتاۋ جۇيەلەرىنىڭ ءۇزىلىسسىز جۇمىس ىستەۋىن قامتاماسىز ەتۋ؛
- جاساندى جەلدەتۋ جۇيەسى بولماعان جاعدايدا ءۇي-جايدى جۇيەلى جەلدەتۋ؛
- ءۇي-جايلاردى، جۇمىس ۇستەلدەرى مەن ادام جاناساتىن ورىنداردىڭ ءبارىن جۋعىش سۇيىقتىقتاردى، دەزينفەكسسيالىق قوسپالاردى قولدانا وتىرىپ ءسۇرتىپ، تازارتۋ.
«وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اكىمدەرى، وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اۋماقتىق رەفەرەندۋم كوميسسيالارى وسى قاۋلىنى جۇمىستا پايدالانۋدى قامتاماسىز ەتسىن»، - دەپ جازىلعان قاۋلى ماتىنىندە.
بۇعان دەيىن ق ر باس سانيتار دارىگەرى رەفەرەندۋم كەزىندە ەپيداحۋال ناشارلاسا، Ashyq قولدانىلۋى مۇمكىن ەكەنىن ايتقان بولاتىن.