الماتىدا «تازا قازاقستان» جالپى رەسپۋبليكالىق اكسياسى جانە «الماتى – ءبىزدىڭ ورتاق ءۇيىمىز» ناۋقانىن جالعاستىرۋ اياسىندا جازعى ۋاقىتتا «الماتى جازى» اكسياسى باستالدى، دەپ حابارلايدى almaty-akshamy.kz
26 ماۋسىم مەن 6 شىلدە ارالىعىندا وتەتىن «الماتى جازى» اكسياسى بارىسىندا سانيتارلىق ماقساتتا 6 مىڭعا جۋىق اعاشتى كەسۋ جوسپارلانىپ وتىر. بۇل شارانىڭ باستى ماقساتى – اپاتتى جاعدايداعى اعاشتاردى سانيتارلىق ماقساتتا كەسۋ ارقىلى قالا تۇرعىندارىنىڭ قاۋىپسىزدىگىن قامتاماسىز ەتۋ.
اعاشتاردى سانيتارلىق ماقساتتا كەسۋ ۋاقىتىلى جۇرگىزىلمەسە، ادامعا جانە مۇلىككە زيان كەلۋى مۇمكىن. وسىعان بايلانىستى اۋرۋ جانە قۋراعان اعاشتاردى كەسۋ قاتتى جەل مەن نوسەر كەزىندە بۇتاقتاردىڭ قۇلاۋ ءقاۋپىن ازايتادى. اكسيا بارىسىندا ءقاۋىپتى ەڭىستە وسكەن اۋرۋ جانە قۋراعان اعاشتاردى كەسۋ قاراستىرىلعان.
كەسىلگەن اعاشتاردىڭ ورنىنا 10 ەسە كوپ مولشەردە كوشەت وتىرعىزىلادى. بۇل الماتى قالاسى اكىمدىگىنىڭ ەرەكشە باقىلاۋىندا، جانە قالاداعى جاسىل جەلەكتى ساقتاۋ مەن كوبەيتۋگە باعىتتالعان ماڭىزدى شارا بولىپ تابىلادى.
«الماتى جازى» ءىس-شاراسى مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان ەلدى مەكەندەردىڭ اۋماعىن اباتتاندىرۋ مەن كوگالداندىرۋعا باعىتتالعان «تازا قازاقستان» رەسپۋبليكالىق اكسياسى اياسىندا وتۋدە. بۇل ناۋقان ادامداردىڭ قورشاعان ورتاعا ۇقىپتى قاراۋىن قالىپتاستىرۋعا، حالىق اراسىندا جوعارى ازاماتتىق جاۋاپكەرشىلىككە تاربيەلەۋگە، ەكولوگيالىق مادەنيەتتى ارتتىرۋعا ارنالعان.