«الماتى جازى» اكسياسى اياسىندا 26 ماۋسىمنان 6 شىلدەگە دەيىن قالانىڭ اۋلا ىشىندەگى اۋماقتارىن قوقىستاردان، سونداي-اق الاڭى 250 شارشى كم وزەن جاعالاۋلارى مەن سۋ ايدىندارىنىڭ اۋماقتارىن تازارتۋ جۇمىستارىن جۇرگىزۋ جوسپارلانۋدا.
اۋلالار ىشىندەگى اۋماقتاردا قوقىس كونتەينەرلەرىنىڭ تەز تولۋى جاز مەزگىلىندە ءىرى مەگاپوليستە وزەكتى ماسەلە بولىپ تابىلادى. بۇل پروبلەمانى شەشۋ ءۇشىن 1 454 كونتەينەرلىك الاڭدى سانيتارلىق وڭدەۋ، ولاردى جۋۋ جانە دەزينفەكسيالاۋ، سونداي-اق 24 747 كوشە جانە اۋلا ۋرنالارىن تازالاۋ جۇمىستارى جۇرگىزىلەدى.
سونىمەن قاتار، اۋلا اۋماقتارىنىڭ سانيتارلىق جانە ەستەتيكالىق جاي-كۇيىن قامتاماسىز ەتۋ ماقساتىندا قولدانىستاعى كونتەينەرلىك الاڭداردى تەرەڭدەتىلگەن كونتەينەرلەرگە اۋىستىرۋ جۇمىستارى جۇرگىزىلۋدە. 2024-2025 جىلدار ارالىعىندا 2 905 جاڭا كونتەينەر ورناتۋ جوسپارلانعان. تەرەڭ تيپتەگى كونتەينەرلەردىڭ نەگىزگى ارتىقشىلىقتارى-ەستەتيكالىق كورىنىس، قالىپتاسقان قۇرىلىس الاڭدارىنىڭ قىسقارۋى، جاعىمسىز يىستەردىڭ بولماۋى، قۇستار مەن قاڭعىباس جانۋارلاردىڭ كىرۋىنە توسقاۋىدىڭ بولۋى.
«الماتى جازى» اكسياسى «تازا قازاقستان» جالپى رەسپۋبليكالىق اكسياسى اياسىندا وتكىزىلەدى جانە جازعى كەزەڭدە «الماتى – ءبىزدىڭ ورتاق ءۇيىمىز» ناۋقانىنىڭ جالعاسى بولىپ تابىلادى. ونىڭ باستى ماقساتى - قالالىق ينفراقۇرىلىم مەن قوعامدىق مۇلىككە ۇقىپتى قاراۋدى قالىپتاستىرۋ، سونداي-اق جەكە ەكولوگيالىق باستامالاردى قولداۋ جانە ولاردى ىسكە اسىرۋ ءۇشىن جاعداي جاساۋ.