الماتىدا پوليسەيلەر وز-وزىنە قول جۇمساۋ فاكتىسى بويىنشا قىلمىستىق ءىستى تەرگەپ جاتىر، دەپ حابارلايدى اlmaty-akshamy.kz.
وعان 26 ماۋسىم كۇنى تاڭەرتەڭ بولعان قايعىلى وقيعا سەبەپ بولدى: قىز بيىكتەن قۇلاپ قايتىس بولدى.
كۋاگەرلەر ونىڭ ءومىرىنىڭ سوڭعى ساتتەرىن ءتۇسىرىپ العان. كادرلاردا بويجەتكەن تەرەزەدەن شىعىپ، بي بيلەپ، كارنيزدىڭ بويىمەن جۇرەدى. ءتىپتى ونىڭ ءان ايتىپ جۇرگەنىن دە ەستۋگە بولادى. وكىنىشكە وراي، بۇل ارەكەتتەرى قايعىلى اياقتالدى.
"قىز قۇلادى، شامامەن ساعات تاڭعى 7-دە، "تەرەمكي" تۇرعىن ءۇي كەشەنى"، — دەلىنگەن ۆيدەونىڭ استىندا.
الماتى پوليسيا دەپارتامەنتىنىڭ باسپا ءسوز قىزمەتى وقيعانى راستادى.
"قىزدىڭ وز-وزىنە قول جۇمساۋ سەبەبى مەن ءمان-جايى انىقتالۋدا"، - دەپ ءتۇسىندىردى ۆەدومستۆو.
24 ماۋسىم كۇنى الماتىدا بولعان وقيعا قازاقستاندىقتاردى ءدۇر سىلكىندىردى. الماتىنىڭ ورتالىق مادەنيەت جانە دەمالىس ساياباعىندا جاس كەلىنشەك دوڭگەلەكتەن سەكىرىپ، وز-وزىنە قول جۇمسادى. بەلگىلى بولعانداي، بۇعان دەيىن ول بالاسىن ولتىرگەن.