الماتىدا «الماتى جازى» اكسياسى اياسىندا جۇمىس ىستەپ تۇرعان سۋبۇرقاقتار ماڭىن جيناۋ مەن تازالاۋ جۇمىستارى باستالدى

«الماتى جازى» اكسياسى «الماتى – ءبىزدىڭ ورتاق ءۇيىمىز» ناۋقانىنىڭ جالعاسى سانالادى، ول وسى جىلدىڭ 6 شىلدەسىنە دەيىن جالعاسادى.

الماتىدا 150 سۋبۇرقاق بار، ونىڭ 66-سى كوممۋنالدىق (60-ى شتاتتىق رەجيمدە، 6-ى قايتا جاڭارتىلىپ جاتىر) جانە 84ء-ى جەكە اۋماقتا. 

 
الماتى قالاسى ەكولوگيا جانە قورشاعان ورتا باسقارماسىنىڭ باس مامانى ءالينۇر باكەنوۆتىڭ ايتۋىنشا، كوممۋنالدىق مەنشىك يەلىگىندەگى سۋبۇرقاقتار 1 مامىردان 25 قازانعا دەيىن كۇن سايىن ساعات 8:00-دەن 23:00-گە دەيىن پروفيلاكتيكالىق ءىس-شارالار (تازالاۋ، جابدىقتاردى تەكسەرۋ) كەزىندە ءوشىرىلىپ، كەستەمەن جۇمىس ىستەيدى.

 
سۋبۇرقاقتاردى اي سايىن كەستەگە سايكەس جينالادى. جابدىققا ريەۆيزيا جاسالادى، توستاعاندار ارنايى قۇرالدارمەن جۋىلادى.
 

كەيدە كوممۋنالدىق سۋبۇرقاقتار اپاتتىق-قالپىنا كەلتىرۋ جۇمىسىن جۇرگىزۋ جانە اعىمداعى جوندەۋ (كابەلدى اۋىستىرۋ، سورعىلار مەن قوزعالتقىشتاردى اۋىستىرۋ نەمەسە جوندەۋ، گيدرووقشاۋلاۋ، قاپتامانى جوندەۋ) ءۇشىن وشىرىلەدى.

 
«الماتى جازى» اكسياسى اياسىندا جەكە سۋبۇرقاقتار قالالىق نىساندارمەن قاتار رەتكە كەلتىرىلەدى.
«الماتى جازى» اكسياسى جازعى كەزەڭدە «الماتى – ءبىزدىڭ ورتاق ءۇيىمىز» ناۋقانىنىڭ جالعاسى. بۇل ءىس-شارا قالالىق ينفراقۇرىلىم مەن قوعامدىق مۇلىككە ۇقىپتى قاراۋدى قالىپتاستىرۋعا، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋگە باعىتتالعان.