الماتىدا 25 مىڭنان استام بالا تۇڭعىش رەت مەكتەپ تابالدىرىعىن اتتايدى
ەرەجەگە سايكەس، التى جاستاعى جانە جىل سوڭىنا دەيىن التى جاسقا تولاتىن بۇلدىرشىندەر ءبىلىم بەرۋ ۇيىمدارىنىڭ ءبىرىنشى سىنىبىنا قابىلدانادى. 1-سىنىپقا قابىلداۋ egov.kz ۆەب-پورتالى ارقىلى جۇزەگە اسىرىلادى.
ايتا كەتەيىك، بيىل ءبىرىنشى سىنىپقا قابىلداۋعا ءوتىنىش بەرۋ ءبىرىنشى ساۋىردەن باستالىپ، 1ء-شى تامىزعا دەيىن جالعاستى. بۇگىن ءوتىنىش قابىلداۋدىڭ سوڭعى كۇنى. الايدا، ءوتىنىش بەرىپ ۇلگەرمەگەن اتا-انالارعا الاڭداۋعا نەگىز جوق. بارلىق وتىنىشتەر جەكە قاراستىرىلادى. ال بيىل 1-4 سىنىپتاردىڭ وقۋشىلارى تولىقتاي، سونداي-اق، 5-11 سىنىپتارداعى الەۋمەتتىك از قامتىلعان وتباسىلاردىڭ بالالارى مەكتەپ اسحاناسىنان تەگىن تاماقتانادى.
«ءبىلىم بەرۋ ۇيىمدارى وزدەرىنىڭ شاعىن ۋچاسكەلەرىندەگى بارلىق بالالاردى قابىلدايدى جانە اتا-انالار وزدەرىنىڭ شاعىن ۋچاسكەلەرىنە قاراستى مەكتەپكە ەمەس، بوس ورىن بولعان جاعدايدا كەز كەلگەن باسقا مەملەكەتتىك ءبىلىم بەرۋ ۇيىمىنا تىركەلە الادى. مەكتەپتەردە ورىن سانى جەتكىلىكتى. بيىل ءبىلىم بەرۋ ۇيىمدارىنىڭ بارلىق وقۋشىلارى ءجۇز پايىز تەگىن وقۋلىقتارمەن قاسمتاماسىز ەتىلەدى»، - دەيدى قالالىق ءبىلىم باسقارماسى ءبولىمىنىڭ باس مامانى گۇلناز جوتابايەۆا.