كەيىپكەرىمىز بۇل سالادا ون جىلداي ۋاقىت جۇمىس ىستەپ كەلەدى
مارات كەنجەبولاتوۆ ءبىر جارىم جىل بۇرىن اقش-قا قونىس اۋدارىپ، دجيۋ-دجيتسۋ ونەرىن دامىتۋعا بەل بايلاعان. ءقازىر ونىڭ بيزنەسى جاقسى دامىپ جاتىر، ۇيىرمەگە كەلەتىن بالالار ءۇش تىلدە سويلەيدى، دەپ حابارلايدى Almaty-akshamy.kz Express Qazaqstan-عا سىلتەمە جاساپ.
امەريكالىقتاردىڭ كوپشىلىگى ماراتتىڭ قاي جاقتان كوشىپ كەلگەنىن ءالى دە بولسا اجىراتا بەرمەيدى. مارات — ەۋروپا مەن امەريكا چەمپيوناتتارىندا قولا جۇلدە العان سپورتشى. Express Qazaqstan تىلشىسىمەن اڭگىمەلەسكەن ول ءحوببيى ءۇشىن الەمدىك برەندتەرمەن بايلانىس ورناتۋدان نەگە باس تارتقانىن ايتىپ بەردى. ءقازىر ول لوس-اندجەلەستە تۇرىپ جاتىر.
ەۋروپادا ءومىر ءسۇرۋ قيىن. ال، مىنا جەرگە بەيىمدەلۋ وڭايىراق. امەريكالىقتار وزگەنىڭ ومىرىنە كوپ ارالاسا بەرمەيدى. بۇل ەميرگانتتار ەلى، بۇل جەردە سەن قايدان جانە نە ءۇشىن كەلگەنىڭ ەشكىمگە قىزىق ەمەس، دەسە، امەريكالىقتاردىڭ كوبى گولوۆكيندى ەسكە الادى،- دەيدى مارات كەنجەبولاتوۆ.
دجي-دجيتسۋ توبەلەس ونەرىنىڭ بارلىق چەمپيوناتتارى امەريكادا وتەدى. الايدا، ءبىزدىڭ سپورتشىلاردىڭ كوبى مۇندا كەلە المايدى. ال، مەن بولسام بۇل سپورت ءتۇرىن دامىتقىم كەلەدى. سوندىقتان، بۇل برەندتى قازاقستاننان شتاتقا قاراي اۋىستىرا الدىم دەپ ويلايمىن،-دەيدى مارات.
كەيىپكەرىمىز بۇل سالادا ون جىلداي ۋاقىت جۇمىس ىستەپ كەلەدى. ول قاراپايىم ءبىر سەكسيانى قازاقستانداعى ۇلكەن ءبىر سپورت سالاسىنا اينالدىرا الدى.
الماتىداعى شاعىن كلۋبى Checkmat اكادەمياسىنا اينالىپ، وعان كەلگەن سپورتشىلار قارا بەلبەۋگە دەيىن وسە الاتىن جاعدايعا جەتتى.
مەن جاتتىقتىرۋشىلىققا 2012 جىلى كەلدىم. 5-6 جىلدان كەيىن جاتتىققىسى كەلەتىندەردىڭ سانى ارتىپ، زال تولىپ كەتتى. قاۋىمداستىق تۋرنيرلەرگە كوپ قارجى قۇيا باستادى، -دەيدى اڭگىمەسىن جالعاستىرعان ول.
بۇل ارالىقتا مارات British American Tobacco، Schwarzkopf & Henkel سياقتى الەمدىك ءىرى برەندتەردىڭ قازاقستانداعى وكىلدىكتەرىمەن جۇمىس ىستەيتىن. الايدا، ۋاقىت وتە ونىڭ حوببي جاقسى تابىس كوزىنە اينالىپ، ول سپورتتى دامىتۋعا بۇرىنعىدان دا كوپ شابىتتانا باستاعان. ارىپتەستەرى سپورتتى قازاقستاندا عانا دامىتىپ قويماي، شەتەل اۋىستىرۋعا بولاتىنىن ايتقان.
وسىلايشا، ءبىزدىڭ كلۋب ونەر كورسەتەتىن Checkmat اكادەمياسىنىڭ باسشىلىعى امەريكادا وسىنداي جەلى اشۋدى ۇسىندى. بۇل يدەيا ماعان ۇنادى. تاجىريبەم دە جاقسى بولعان سوڭ، ءارى شەتەلدىك برەندتەرمەن جۇمىس ىستەپ ءجۇرىپ، اعىلشىنشا سويلەپ ۇيرەنگەن سوڭ، كەلىستىم،-دەيدى مارات
دەگەنمەن، ۇنەمى ەكى ءىستى قاتار الىپ جۇرەتىن مارات امەريكاعا كەلىپ تە جىلجىمايتىن مۇلىك سالاسىندا قوسىمشا جۇمىس ىستەگەن.
شەتەلگە كوشەيىك دەگەندە ماراتتى وتباسى قولداپ، ءتىپتى، ونىڭ ءوز بالالارى دا دجيۋ-دجيتسۋ ۇيىرمەسىنە قاتىسا باستاعان. ءقازىر ماراتتىڭ بالالارى قازاق، ورىس، اعىلشىن تىلدەرىندە ەركىن سويلەيدى.
وتباسىم اقش-قا قاتتى قىزىقتى. جاڭا ورىن، جاڭا ەموسيالار. ومىرگە دەگەن جاڭاشا كوزقاراس. مۇنداي وزگەرىستەر ادامنىڭ دۇنيەتانىمىن كەڭەيتىپ، ومىرگە دەگەن كوزقاراسىن وزگەرتەدى، - دەيدى جەكە پىكىرىن بىلدىرگەن مارات.
ءسوز سوڭىندا وتانداسىمىز ەلگە قايتا ورالۋى دا مۇمكىن ەكەندىگىن جەتكىزدى.