13 جەلتوقساندا الماتىدا قالانىڭ الەۋمەتتىك قىزمەتىنىڭ قۇرىلعانىنا 85 جىل تولۋىنا وراي «جۇرەكتەن جۇرەككە» اتتى العاشقى الەۋمەتتىك فورۋم ءوتتى، دەپ حابارلايدى اlmaty-akshamy.kz.
«قوعام – بيزنەس – مەملەكەت» اراسىنداعى ءوزارا قارىم-قاتىناس جۇيەسىن جاڭعىرتۋعا باعىتتالعان فورۋمدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ قولداۋىمەن الماتى اكىمدىگى ۇيىمداستىردى. فورۋم جۇمىسىنا بارلىعى 300-دەن استام ادام قاتىستى.
الەۋمەتتىك سالانىڭ جەتەكشى حالىقارالىق جانە قازاقستاندىق ساراپشىلارى، قوعامدىق پىكىر كوشباسشىلارى، ۇكىمەتتىك ەمەس ۇيىمدار مەن مەملەكەتتىك ورگانداردىڭ وكىلدەرى وتكىر الەۋمەتتىك ماسەلەلەردى شەشۋگە، سونداي-اق الەۋمەتتىك قىزمەتكەرلەردىڭ قوعامداعى ءرولىن نىعايتۋعا باعىتتالعان تابىستى جوبالاردىڭ كەيستەرىمەن ءبولىستى.
- الەۋمەتتىك ماڭىزدى ماسەلەلەردى شەشۋدەگى ەڭ ۇلكەن ناتيجەگە «التىن ءۇشبۇرىش» دەپ اتالاتىن ءتيىمدى ءوزارا ارەكەتتەسۋ ارقىلى جەتۋگە بولادى، مۇندا الەۋمەتتىك تۇراقتىلىق قوعامنىڭ، مەملەكەت پەن بيزنەستىڭ بىرلەسكەن ءارى ءتيىمدى كۇش-جىگەرىمەن قامتاماسىز ەتىلەدى. سوندىقتان فورۋم بارىسىندا ۇەۇ وكىلدەرىمەن، كاسىپكەرلەرمەن، الەۋمەتتىك قىزمەتكەرلەرمەن بىرگە الەۋمەتتىك ماسەلەلەردى شەشۋدە زاماناۋي تاسىلدەردى ىزدەۋ بويىنشا كۇش-جىگەرىمىزدى شوعىرلاندىرۋعا ىقپال ەتەتىن شەشىمدەر تابۋعا ۇمتىلدىق، – دەپ اتاپ ءوتتى الماتى قالاسى اكىمىنىڭ ورىنباسارى ءا.ءنۇسىپوۆا.
فورۋم بارىسىندا الەۋمەتتىك باعدارلامالاردىڭ دامۋ ۇردىستەرى مەن پەرسپەكتيۆالارى، مۇمكىندىگى شەكتەۋلى جاندار مەن حالىقتىڭ الەۋمەتتىك وسال توپتارىنا قاتىستى ەڭبەك زاڭناماسىنىڭ نەگىزدەرى، قوعامدىق ۇيىمداردىڭ ىسكە اسىرىلعان الەۋمەتتىك جوبالارى نەگىزىندە قوعامنىڭ، مەملەكەت پەن بيزنەستىڭ ءوزارا ءىس-قيمىلى تالقىلاندى
فورۋمدا ايتىلعان ۇزدىك ۇسىنىستار تاجىريبەدە قولدانىلاتىن بولادى. وسىلايشا، مۇگەدەكتىكتىڭ الدىن الۋ جانە الدىن الا ەسكەرتۋ ماقساتىندا كەلەسى جىلدان باستاپ «ەرتە ارالاسۋ ورتالىعى» پيلوتتىق جوباسى اياسىندا سىناقتان وتكەن جۇمىس كۇشەيتىلەدى. وسى ورتالىقتىڭ بازاسىندا ەرتە ارالاسۋدىڭ عىلىمي، وقۋ-ادىستەمەلىك ورتالىعى اشىلادى، وندا سەرەبرالدى سال اۋرۋىنىڭ ءارتۇرلى نىساندارى بار بالالاردى ەمدەۋدىڭ ءبىرىڭعاي حاتتاماسىن ازىرلەۋ جانە ونى ەنگىزۋ جوسپارلانىپ وتىر، بۇل تۇتاستاي العاندا ساپالى وڭالتۋ جانە مۇگەدەك بالالاردى وڭالتۋ كورسەتكىشتەرىن جاقسارتۋعا مۇمكىندىك بەرەدى.
سونىمەن قاتار، مۇمكىندىگى شەكتەۋلى جاندار ءۇشىن قالالىق ينفراقۇرىلىمنىڭ قولجەتىمدىلىگىن قامتاماسىز ەتۋ،ولاردى قوعامعا تارتۋ ءۇشىن كەلەسى جىلدان باستاپ «Ten Qogam» مۇگەدەكتەردى الەۋمەتتىك قولداۋ ورتالىعىنىڭ قىزمەتىن قالانىڭ ءاربىر اۋدانىندا اشۋ ارقىلى اۋقىمىن كەڭەيتۋ جوسپارلانۋدا. الەۋمەتتىك ينفراقۇرىلىم وبەكتىلەرىنىڭ قولجەتىمدىلىگىن مونيتورينگتەۋ جونىندەگى قىزمەتپەن بىرگە ورتالىقتار جۇمىسىنىڭ فۋنكسيونالىن ودان ءارى كەڭەيتۋ جانە ايتىلعان ەسكەرتۋدى جويۋعا ۇسىنىمدار ەنگىزۋ قوسىمشا جوسپارلانۋدا.
فورۋمعا قاتىسۋشىلار الەۋمەتتىك باعدارلامالاردىڭ دامۋ ۇردىستەرى مەن پەرسپەكتيۆالارىن، مۇمكىندىگى شەكتەۋلى جاندار مەن حالىقتىڭ الەۋمەتتىك وسال توپتارىنا قاتىستى ەڭبەك زاڭناماسىنىڭ نەگىزدەرىن، قوعامدىق ۇيىمداردىڭ ىسكە اسىرىلعان الەۋمەتتىك جوبالارى بويىنشا قوعامنىڭ، مەملەكەت پەن بيزنەستىڭ ءوزارا ءىس-قيمىلىن جانە باسقا دا ماڭىزدى ماسەلەلەردى تالقىلادى.