«بولاشاق» بويىنشا مەملەكەت ستۋدەنتتەرگە وقۋ، ەكى باعىتقا ۇشۋ، مەديسينالىق ساقتاندىرۋ، ۆيزالىق الىمدار مەن وقۋ ماتەريالدارىنىڭ شىعىندارىن وتەيدى.
«بولاشاق» باعدارلاماسى ۇزدىك شەتەلدىك جوعارى وقۋ ورىنداردا اكادەميالىق وقۋعا ارنالعان جەڭىلدىك ساناتتارىنىڭ ءتىزىمىن كەڭەيتىپ وتىر. 2023 جىلدان باستاپ ينجەنەرلىك-تەحنيكالىق قىزمەتكەرلەر مەن مەديسينالىق ماماندار جەڭىلدەتىلگەن شارتتارمەن «بولاشاق» حالىقارالىق ستيپەندياسىنىڭ كونكۋرستىق ىرىكتەۋىنە قاتىسا الادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«مەملەكەت باسشىسىنىڭ تاپسىرماسى بويىنشا ينجەنەرلىك-تەحنيكالىق كادرلاردى دايارلاۋعا باسىمدىق بەرىلەدى. ۇمىتكەرلەردى قولداۋ ءۇشىن «ينجەنەرلىك-تەحنيكالىق قىزمەتكەرلەر» جاڭا جەڭىلدىك ساناتى ەنگىزىلدى. سونىمەن قاتار ءبىزدىڭ باستامامىزبەن مەديسينالىق قىزمەتكەرلەردى ىرىكتەۋ قاعيدالارى جەتىلدىرىلدى. اتالعان وزگەرتۋلەردىڭ ارقاسىندا قازاقستاندىق دارىگەرلەر مەن تەحنيكالىق قىزمەتكەرلەر مەرزىمى 12 ايعا دەيىنگى تەگىن تىلدىك دايىندىقتان وتە الادى»، - دەپ اتاپ ءوتتى «حالىقارالىق باعدارلامالار ورتالىعى» اق باسقارما ءتوراعاسى ءانۋار جانعوزين.
سونىمەن بىرگە جەڭىلدىگى بار ۇمىتكەرلەر قۇجات تاپسىرعان كەزدە شەتەلدىك جوو-عا ءوز بەتىمەن تۇسۋگە مىندەتتى ەمەس. ولاردىڭ ستيپەنديا تاعايىندالعاننان كەيىن باعدارلاما اياسىندا ءبىلىم الۋعا ۇسىنىلاتىن ۋنيۆەرسيتەتتەر تىزىمىنەن وقۋ ورنىن تاڭداۋعا مۇمكىندىگى بار.
ەستەرىڭىزگە سالا كەتەيىك، «بولاشاق» ستيپەندياسىن تاعايىنداۋ كونكۋرسىنا جەڭىلدىگى بار كانديداتتاردى قوسپاعاندا، ۇزدىك شەتەلدىك جوو-لاردان شاقىرۋى بار ۇمىتكەرلەر عانا قاتىسادى.
«بولاشاق» ستيپەندياسىن تاعايىنداۋ كونكۋرسىنا جەڭىلدىكپەن قاتىسۋ ءۇشىن ۇمىتكەر ديپلومىنىڭ ورتاشا بالى – GPA كەمىندە 4.0-تەن 3.0 بولۋ ءتيىس. سونداي-اق كەمىندە ۆ1 دەڭگەيدەگى مەملەكەتتىك تىلدەن كازتەست سەرتيفيكاتى جانە شەت ءتىلىن مەڭگەرۋدىڭ ورتاشا دەڭگەيىن راستايتىن قۇجات تالاپ ەتىلەدى. ماسەلەن، اعىلشىن تىلىندە وقىعان جاعدايدا، كەمىندە 9.0-دان 5.0 دەڭگەيدەگى IELTS سەرتيفيكاتىن، جۇڭگو تىلىندە – كەمىندە 6-دان 3 دەڭگەيدەگى HSK، نەمىس تىلىندە - س1-دەن B1-B2 دەڭگەيدەگى Goethe-Zertifikat جانە ت.ب. ۇسىنۋ قاجەت.
ايتا كەتەيىك، «بولاشاق» باعدارلاماسىنىڭ شارتتارى بويىنشا مەملەكەت ستۋدەنتتەرگە وقۋ، ەكى جاققا ۇشۋ، مەديسينالىق ساقتاندىرۋ، ۆيزالىق الىمدار مەن وقۋ ماتەريالدارىنا شىعىنداردى وتەيدى. وعان قوسا اي سايىن ستيپەنديا تولەنەدى.