جازۋشى ءارى سۋرەتشى
ق ر ۇلتتىق كىتاپحاناسىندا «ازيانىڭ شىعارماشىلىق بوگەمياسى» بىرلەستىگىنىڭ رەزيدەنتى حالىقارالىق زاماناۋي ونەر وكىلى قانات بوكەجانوۆتىڭ «الەمدى قابىلداۋ» اتتى شىعارماشىلىق كورمەسىنىڭ اشىلۋى ءوتتى، دەپ حابارلايدى Almaty-akshamy.kz.
قانات بوكەجانوۆ − جازۋشى ءارى سۋرەتشى. سولتۇستىك كيپردىڭ Art Nouveau مۇراجايىنىڭ حالىقارالىق «كۇمىس كىلت» سىيلىعىنىڭ يەگەرى. قازاق سۋرەتشىسى عاني بايانوۆتىڭ شەبەرحاناسىندا ءبىلىم العان. ول جازۋ مەن سۋرەت سالۋدى رەتتەلگەن ويلاۋدىڭ ءارتۇرلى فورمالارى دەپ سانايدى. كوپتەگەن جىلدار بويى نووسفەراعا ارنالعان سۋرەتتەر سالدى. ءومىردىڭ بۇل ماڭىزدى، كورمەسىز كەزەڭى ەركىندىك پەن تاۋەلسىزدىككە تاربيەلەۋ ءۇشىن قاجەت بولدى.
شارانى ق ر ۇلتتىق كىتاپحاناسىنىڭ كورمەلەر جانە مادەني باعدارلامالار قىزمەتىنىڭ جەتەكشىسى ابدىكەرىموۆا جانار الپىسباي قىزى قۇتتىقتاۋ سوزبەن اشتى.
ازيانىڭ شىعارماشىلىق بوگەمياسىنىڭ پرەزيدەنتى گۇلنار جاندىبايەۆا جانە ۆيسە-پرەزيدەنتى الما نۋتۋشيەۆا ءسوز سويلەپ، بىرلەستىك جۇمىسىنا بەلسەندى اتسالىسقان ءبىرقاتار بىرلەستىك مۇشەلەرىنە العىس حاتتاردى تابىستادى.
قانات بوكەجانوۆتىڭ ۇستازى، بەلگىلى سۋرەتشى عاني بايانوۆ جانە ونەرتانۋشى ماريا جۇماعۇلوۆا بۇگىنگى «الەمدى قابىلداۋ» اتتى شىعارماشىلىق كورمەگە ساتتىلىك تىلەدى.
سونىمەن قاتار شارا اياسىندا كورمە تاماشالاۋعا كەلگەن قوناقتارمەن ويىندار ويناتىلىپ، سۋرەتشى قانات بوكەجانوۆ ءوز تۋىندىلارىن جەڭىمپازدارعا سىيعا تارتتى.