الماتىدا «الاش ءىسى» كىتابىنىڭ تانىستىرىلىمى ءوتتى

جيناق تاريح عىلىمدارىنىڭ دوكتورى، اكادەميك مامبەت قويگەلدييەۆتىڭ جەتەكشىلىگىمەن جارىق كوردى.

ەڭبەكتە الاش ىسىنە قاتىستى 1927-1930 جانە 1930-1932 جىلدار ارالىعىنداعى كسرو-نىڭ بىرىككەن مەملەكەتتىك ساياسي باسقارماسى جۇرگىزگەن جاساندى تەرگەۋ ىستەرىنىڭ قۇجاتتارى مەن ماتەريالدارى قامتىلعان، دەپ حابارلايدى Almaty-akshamy.kz.

ءىس-شاراعا الاشتانۋشى عالىمدار، جاس ىزدەنۋشىلەر، جوعارى وقۋ ورىندارىنىڭ وقىتۋشىلارى مەن ستۋدەنتتەرى قاتىستى. جيناستىرۋشىلاردىڭ سوزىنشە، مەملەكەت باسشىسىنىڭ ساياسي قۋعىن-سۇرگىن قۇرباندارىن اقتاۋ تۋرالى جارلىعىنىڭ ارقاسىندا عاسىرعا جۋىق ۋاقىت جابىق جاتقان قۇجاتتىق قورلار اشىلعان. بۇدان بولەك ءقازىر پرەزيدەنت ارحيۆىندە جيناقتالعان تەرگەۋ ماتەريالدارى بويىنشا 12 تومدىق «الاش ورداشى» دەگەن كىتاپ دايارلانعان. جيناق جىل سوڭىنا دەيىن جارىق كورەدى دەپ جوسپارلانعان.

«تومدار ارقىلى وقىرمان «الاش ءىسى» دەگەن نە؟ الاش سوت پروسەسى قالاي ءجۇردى؟ وندا نە تۋرالى ايتىلدى؟ الاشتىڭ وي-ارمانى، ماقساتى نە ەكەندىگى ايتىلادى وسى قۇجاتتاردا. بۇل كىتاپتار بەلگىلى دارەجەدە جەتكەن بىزگە الاشتىڭ اماناتى دەپ ايتۋعا بولادى. سوندىقتان بۇل 100 جىلدان بەرى ءوزىنىڭ كەزەگىن كۇتىپ جاتقان قۇجاتتار»، - دەيدى تاريح عىلىمدارىنىڭ دوكتورى مامبەت قويگەلدييەۆ.