وسى جىلدىڭ قازان ايىندا قازاقستاننىڭ 25 جوعارى وقۋ ورنىنان 100-دەن استام ستۋدەنت قاتىسقان «Huawei ICT Competition 2023-2024 Kazakhstan» اقپاراتتىق-كوممۋنيكاسيالىق تەحنولوگيالار (اكت) سالاسىنداعى تالانتتار الماسۋ بويىنشا وڭىرلىك كونكۋرس ءوتتى.
ICT Competition – Huawei ICT Academy باعدارلاماسىنىڭ ماڭىزدى ەلەمەنتتەرىنىڭ ءبىرى، ول اكت سالاسىندا تالانتتاردى دامىتۋعا جانە ماماندار دايارلاۋعا ارنالعان، دەپ حابارلايدى اlmaty-akshamy.kz. بايقاۋ بۇكىل الەم بويىنشا بىرنەشە جىل قاتارىنان وتكىزىلىپ كەلەدى جانە بۇكىل الەمنىڭ ستۋدەنتتەرى مەن ماماندارى اراسىندا ءبىلىم، تاجىريبە جانە يدەيالار الماسۋ الاڭىنا اينالدى.
Huawei ICT Competition Huawei ICT Academy ستۋدەنتتەرىنە جانە بۇكىل الەم بويىنشا ICT Academy-گە قوسىلعىسى كەلەتىن جوعارى وقۋ ورىندارىنىڭ ستۋدەنتتەرىنە ارنالعان.
وسى بايقاۋ اياسىندا Huawei ستۋدەنتتەرگە سالاۋاتتى باسەكەلەستىك پەن يدەيالارمەن الماسۋ پلاتفورماسىن ۇسىنۋعا تىرىسادى، وسىلايشا ولاردىڭ اكت ءبىلىمى مەن پراكتيكالىق داعدىلارىن ارتتىرادى، سونىمەن قاتار جاڭا تەحنولوگيالار مەن پلاتفورمالار ارقىلى يننوۆاسيا قابىلەتىن ارتتىرادى.
«ەسەپتەۋ تەحنيكاسى جانە باعدارلامالىق قامتاماسىز ەتۋ» ءبىلىم بەرۋ باعدارلاماسى بويىنشا وقيتىن Yessenov University ستۋدەنتى وتەباي ورالباي فينالعا ءوتتى. اكت جارىسىنىڭ ۇلتتىق فينالى 11 قاراشادا ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا ءوتتى، وعان وڭىرلىك بايقاۋلاردىڭ جەڭىمپازدارى قاتىستى.
Yessenov University ستۋدەنتى وتەباي ورالباي ەڭ جوعارى بالل جيناپ، بارلىق قاتىسۋشىلار اراسىندا «Huawei ICT Competition 2023-2024 Kazakhstan» ۇلتتىق فينالىنىڭ جەڭىمپازى اتاندى.
ورالباي 18-21 جەلتوقساندا باحرەين قالاسىندا وتەتىن حالىقارالىق بايقاۋدا قازاقستاننىڭ اتىنان قاتىسادى.