الماتىدا پوليسەيلەردىڭ اتىن جامىلىپ الاياقتىق جاسادى دەگەن كۇدىكپەن ءبىر توپ ادام ۇستالدى.
الماتىدا پوليسيا قىزمەتكەرلەرى الاياقتىق جاسادى دەگەن كۇدىككە ىلىنگەن توپتىڭ ارەكەتىن توقتاتتى، دەپ حابارلايدى aqshamnews.kz Polisia.kz-كە سىلتەمە جاساپ.
تەرگەۋدىڭ مالىمەتىنشە، كۇدىكتىلەر وزدەرىن ءتارتىپ ساقشىلارى رەتىندە تانىستىرىپ، قىلمىستىق جاۋاپكەرشىلىككە تارتامىز دەپ قورقىتىپ، جەرگىلىكتى تۇرعىننىڭ قولما-قول اقشاسى مەن كولىگىن يەمدەنگەن. كەلتىرىلگەن شىعىن سومماسى 12 ميلليون تەڭگەدەن استى. اتالعان دەرەك بويىنشا قىلمىستىق ءىس قوزعالدى. الماتى قالاسى مەن الماتى وبلىسى پوليسيا بولىمشەلەرىنىڭ بىرلەسىپ جۇرگىزىلگەن ماقساتتى جەدەل-ىزدەستىرۋ شارالارىنىڭ ناتيجەسىندە التى ادام ۇستالدى. ءتىنتۋ كەزىندە جالعان قىزمەتتىك كۋالىكتەر، پروسەسسۋالدىق قۇجات بلانكىلەرى، نىساندى كيىم ەلەمەنتتەرى، وق-دارىلەر، مورلەر، سۋىق قارۋلار، سونداي-اق ءتۇرلى ەلدەردەن كەلگەن مەملەكەتتىك ءنومىر بەلگىلەرى تاركىلەندى. بارلىق كۇدىكتى ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر.
— مۇنداي قىلمىسپەن كۇرەسۋ - ءبىزدىڭ جۇمىسىمىزدىڭ باسىم باعىتى بولىپ تابىلادى. ءبىز جابىرلەنۋشىنىڭ ارىزىنا جەدەل دەن قويىپ، ماقساتتى ءىس-شارالار ۇيىمداستىرىپ، كۇدىكتىلەردى ۇستادىق، - دەدى، الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.