الماتىدا الاياققا الدانعان زەينەتكەردىڭ اقشاسىن پوليسيا قايتارىپ بەردى

ءبىر جارىم ساعاتتان سوڭ پوليسەيلەر كۇدىكتىنى ۇستاعان.

كۇدىكتى الماتى قالاسى المالى اۋدانىنىڭ 70 جاستاعى تۇرعىنىن الداپ كەتكەن، دەپ حابارلايدى Almaty-akshamy.kz

ءتۇن ورتاسىندا ونىڭ پاتەرىندە تەلەفون شىرىلداعان.

«ءۇي تەلەفونىنا قوڭىراۋ شالدى. قاتتى جىلادى. داۋىسى مەنىڭ ۇلكەن قىزىمنىڭ داۋسىنا ۇقساس بولدى. "مەن جۇكتى ايەلمەن جكو-عا ۇشىرادىم، ول رەانيماسيادا جاتىر. بالاسىنان ايىرىلدى. مەن وتۋگە رۇقسات ەتىلمەگەن جەردەن ءوتتىم، ول مەنى قاعىپ كەتپەۋ ءۇشىن بۇرىلدى". وسىنداي سوزدەردى ەستىدىم. مەن ابدىراپ قالدىم، ەشتەڭەنى ويلاي المادىم: قىزدارىما قوڭىراۋ شالۋىم كەرەك ەدى. قابىرعالارى، وكپەلەرى زاقىمدانعان – وتا جاساۋ كەرەك دەدى. اتا-اناسى 5 ميلليون تەڭگە بەرسە، ارىزىن الىپ كەتۋگە دايىن" بولدى»، دەدى زەينەتكەر.

ەستىگەنىنە ەسەڭگىرەپ قالعان ايەل ەكى ميلليون عانا جيناعى بار ەكەنىن ايتقان.

"مەن ونى وراپ الدىم دا، مەندە سومكە جوق ەكەنىن ايتتىم.ولار ماعان پاكەتكە سالا سالىڭىز دەدى. اقشانى الىپ كەتۋگە ادام كەلدى. مەن وعان قىزىمنىڭ زاتتارى، باسقا ەشتەڭە جوق دەدىم. بۇل الاياقتاردى "ءىزىن سۋىتپاي" ۇستادى.ماعان 2 ميلليوندى قايتارىپ بەردى. اقشانى ۇستاعان كەزدە مەن سەنبەدىم، ءتىپتى بايلامدى اشقىم دا كەلمەدى. ءبىر جارىم ساعاتتان سوڭ پوليسەيلەر كۇدىكتىنى ۇستادى"، دەدى الماتىلىق زەينەتكەر.

"كيبەرپولدىڭ" مالىمەتىنشە، ينتەرنەت الاياقتىققا قاتىستى سوتقا دەيىنگى تەرگەۋ جالعاسىپ جاتىر.