بيىل شىلدەدە باستالعان دوستىق داڭعىلىنان اسقاروۆ كوشەسىنە دەيىنگى ءال-فارابي داڭعىلىن ورتاشا جوندەۋ بارىسىندا سىنعان نەمەسە اقاۋى بار گرانيتتى جيەكتاستار تەگىستەلدى
بارلىعى وسى اۋماقتا ۇزىندىعى 9،3 كم 25،3 مىڭ مەتر بورتتىق تاستار ورناتىلدى. ورتاشا جوندەۋ بارىسىندا ونىڭ ىشىندە 16، 4 مىڭ مەتر جيەكتاستاردى تەگىستەۋ ءۇشىن بولشەكتەلدى، ال اقاۋىنا بايلانىستى قايتا پايدالانۋعا جاتپايتىن 780 مەتر جيەكتاستار عانا اۋىستىرىلدى، دەپ حابارلايدى Almaty-akshamy.kz.
وسىلايشا، وسى داڭعىلداعى جاڭادان اۋىستىرىلعان جيەكتاستاردىڭ ۇلەسى شامامەن 3% (بۇل قالا بويىنشا جاڭاسىنا اۋىستىرۋدىڭ ورتاشا كورسەتكىشى).
جيەكتەر كولىك اپاتىنا بايلانىستى زاقىمدالۋى نەمەسە جىلجۋى مۇمكىن. جول جابىنى مەن جيەكتاس اراسىنداعى ساڭىلاۋلارعا بايلانىستى جولداردا جارىقتار پايدا بولادى. سوندىقتان جول ساپالى بولۋى ءۇشىن اسفالتبەتون توسەمەس بۇرىن جيەكتاستاردى تەگىستەپ قويۋ كەرەك.
تەگىستەۋ – بۇل جىلجىپ كەتكەن گرانيتتى جيەكتاستاردى الىپ تاستاپ، جول جيەگىنە ورناتۋ. بۇل جول توسەمىنىڭ پايدالانۋ ساپاسىن ارتتىرۋ ءۇشىن جۇزەگە اسىرىلادى.
بۇعان دەيىن بوستاندىق اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ الماتى جولدارىندا جيەكتاستاردىڭ تەك ەكى ءتۇرى بار ەكەنىن اتاپ وتكەن.
«سەمەنتتى-قۇمدى بۇل جيەكتاستار سىعىمدالىپ، سودان كەيىن ورناتىلادى. قىستا جولداردى حيميالىق زاتتارمەن وڭدەيتىنىمىزدى، ارنايى تەحنيكامەن تازالاۋدى، قاعىپ كەتۋدى ەسكەرسەك، ولاردى 5 جىلعا دەيىن پايدالانۋعا بولادى. جيەكتاستاردىڭ ەكىنشى ءتۇرى – 10 جىلدان 15 جىلعا دەيىن پايدالانۋعا بولاتىن گرانيتتى ءتۇرى. ءال-فارابي داڭعىلىندا جيەكتاستاردىڭ 20-25%-ىن اۋىستىرامىز دەپ ويلادىق، ءبىراق تەك 3%-ىن اۋىستىردىق»، - دەدى ول.
ەستەرىڭىزگە سالا كەتەيىك، ءال-فارابي داڭعىلىندا ورتاشا جوندەۋ جۇمىستارى مەرزىمىنەن 2 اپتا بۇرىن – 16 تامىزدا اياقتالدى. قالا تۇرعىندارىنا ىڭعايلى بولۋ ءۇشىن جۇمىس تۇندە جۇرگىزىلدى. بريگادالار كۇشەيتىلگەن رەجيمدە جۇمىس ىستەدى. تروتۋارلاردى جوندەۋ دە 31 تامىزعا دەيىن بىتەدى. بيىلعى جول جوندەۋ كەزىندە العاش رەت پوليمەرلەر قوسىلعان اسفالتبەتون قوسپاسى قولدانىلدى. ونىڭ ارتىقشىلىعى جول جابىنىنىڭ پايدالانۋ مەرزىمىن ۇزارتۋ، جولدىڭ ساپاسى مەن ايازعا توزىمدىلىگىن قامتاماسىز ەتەدى.
سوڭعى رەت ءال-فارابي داڭعىلىندا جوندەۋ جۇمىستارى 2010 جىلى عانا جۇرگىزىلدى. نورماتيۆتىك جوندەۋارالىق مەرزىمنىڭ وتۋىنە بايلانىستى تەكسەرۋ جۇرگىزىلدى، ونىڭ بارىسىندا اسفالتبەتون توسەمىندە شۇڭقىر، ويىق، جارىق سىندى اقاۋلار انىقتالىپ، جولدىڭ قازىرگى جاعدايىنا تەحنيكالىق قورىتىندى جاسالدى.