الماتىدا الاياق ايەل ۇستالدى

كۇدىكتى ءقازىر ۋاقىتشا ۇستاۋ يزولياتورىندا وتىر.

الماتىدا جەتى الاياقتىق دەرەگىنە قاتىسى بار ايەل ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

قازىرگى تاڭدا ناۋرىزباي اۋداندىق پب-دا ازاماتتاردى الداۋدىڭ جەتى دەرەگى تىركەلدى. ءتارتىپ ساقشىلارىنىڭ ايتۋىنشا، ج.ەسىمدى ازاماتشا شاعىن نەسيە سايتتارىن پايدالانىپ، ەكىنشى دەڭگەيلى بانك ارقىلى كەپىلسىز نەسيە الۋ بويىنشا ءوز قىزمەتىن ۇسىنعان.

«جەدەل ىزدەستىرۋ ءىس-شارالارى بارىسىندا 27 جاستاعى ايەل ۇستالدى. بارلىق ارىزدار تىركەلدى جانە ءبىر وندىرىسكە بىرىكتىرىلدى. ول بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە ق ر قك-نىڭ 190-بابى 3-بولىگىنىڭ 4-تارماعىنا سايكەس قىلمىستىق ءىس قوزعالدى. ءبىر قىزىعى، كۇدىكتى ءوزىنىڭ «قىزمەتتەرى» ءۇشىن 100-دەن 200 مىڭ تەڭگەگە دەيىن سىياقى سۇراعان. اقشانى العاننان كەيىن ول ۇيالى تەلەفونىن ءوشىرىپ تاستاعان، ال تۇسكەن اقشانى ءوز قالاۋى بويىنشا پايدالانعان، – دەدى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.

جەدەل قىزمەتكەرلەر الدانعانداردىڭ بۇدان دا كوپ ەكەنىنە سەنىمدى.

«ۇستالعان ازاماتتىڭ سۋرەتىن مۇقيات قاراپ شىعۋلارىڭىزدى جانە ونىڭ ارەكەتىنەن زارداپ شەككەندەردىڭ بارلىعىن مىنا تەلەفون نومىرلەرىنە حابارلاسۋلارىڭىزدى سۇرايمىز: 8-707-447-07-50؛ 8-747-699-70-02»، – دەدى پوليسيادان.