*الماتىداعى ءال-فارابي داڭعىلىنداعى جوندەۋ جۇمىستارى جالعاسۋدا: بىرنەشە ۋچاسكەلەردە جول جۇمىستارى اياقتالدى*
الماتىدا ءال-فارابي داڭعىلىنىڭ كولىك ماگيسترالى بويىنشا جول جۇمىستارى كەستەگە سايكەس جۇرگىزىلەدى جانە وقۋ جىلى باستالعانعا دەيىن اياقتالادى. قازىرگى ۋاقىتتا تورايعىروۆ كوشەسىنەن ەسەنتاي وزەنى ارقىلى وتەتىن كوپىرگە دەيىنگى داڭعىلدىڭ وڭتۇستىك جاعىندا جوندەۋ جۇمىستارى اياقتالدى – قوزعالىس اشىق. ەسەنتاي وزەنى ارقىلى وتەتىن كوپىردەن باتىس جەلتوقسان كوشەسىنە دەيىنگى ۋچاسكەدەگى قوزعالىس 16 شىلدە كۇنى تاڭەرتەڭ اشىلادى، دەپ حابارلايدى Almaty -akshamy. kz.
كەلەسى كەزەڭ - ءال-فارابي داڭعىلى بويىنشا باتىس جەلتوقسان كوشەسىنەن شااج دەيىنگى ۋچاسكەدە جول جۇمىستارىن جۇرگىزۋ.
جول قوزعالىسى قاۋىپسىزدىگىن قامتاماسىز ەتۋ جانە وتكىزۋ قابىلەتىن ارتتىرۋ ءۇشىن مىناداي شارالار قابىلداناتىن بولادى:
- 16 شىلدەدە ساعات 23-00-دەن 18 شىلدەدە ساعات 07-00-گە دەيىن داڭعىلدىڭ وڭتۇستىك جاعىندا قوزعالىستىڭ تولىق جابىلۋىمەن پوليمەرلى اسفالتبەتون توسەۋ جۇمىستارى جۇرگىزىلەتىن بولادى؛
-ساعات 07-00-دەن 21-00-گە دەيىن 17 شىلدەدە ءال-فارابي داڭعىلىنىڭ سولتۇستىك جاعىنان باتىس جەلتوقسان كوشەسىنەن شااج دەيىن كەرى قوزعالىس ارقىلى كولىك قۇرالدارىن بۇرۋ ۇيىمداستىرىلادى. ءال-فارابي داڭعىلىنداعى باتىس جانە شىعىس باعىتتارداعى قوزعالىس جولاقتارىنىڭ سانىن قالىپتاسقان كولىك جاعدايىنان پاترۋلدىك پوليسيا قىزمەتكەرلەرى ايقىندايتىن بولادى؛
- تاۋلىكتىڭ قاراڭعى ۋاقىتىندا جول-كولىك وقيعالارىن بولدىرماۋ ءۇشىن 17 شىلدە ساعات 21-00-دەن 18 شىلدە ساعات 07-00-گە دەيىن ءال-فارابي داڭعىلىمەن شىعىس باعىتتا (باتىس جەلتوقسان كوشەسىنەن) كولىك قوزعالىسى تولىعىمەن جابىلادى.
- 16 شىلدە ساعات 23-00-دەن 18 شىلدە ساعات 7-00-گە دەيىن نازاربايەۆ داڭعىلىنان ءال-فارابي داڭعىلىنا شىعىس باعىتتا ءوتۋ، مەڭدىقۇلوۆ بۋلۆارىنا وڭتۇستىك باعىتتا كىرۋ-شىعۋ شەكتەلەدى، اينالما جول قاجىمۇقان كوشەسى بويىنشا ءتيىستى اينالما سحەماسىن ورناتا وتىرىپ ۇيىمداستىرىلادى.
ء-ال-فارابي داڭعىلىنان سەيفۋللين داڭعىلىنا جانە نازاربايەۆ داڭعىلىنا دەيىنگى سەزدەر بويىنشا كولىك قوزعالىسى جابىلۋ كەزەڭىندە شتاتتىق رەجيمدە جۇزەگە اسىرىلاتىن بولادى.
پاترۋلدىك پوليسيانىڭ 6 ەكيپاجى قوزعالىس قاتىسۋشىلارىنىڭ قاۋىپسىزدىگىن قامتاماسىز ەتەدى، سونداي-اق 40 كم/ساعات جىلدامدىقتى شەكتەۋ بەلگىلەرىن بەلگىلەيدى، جولاقتار بويىنشا ءبولۋ كونۋستىق شاعىلىستىراتىن چيپتەرمەن بەلگىلەنەدى. ريەۆەرسيۆتى قوزعالىس باستالماس بۇرىن، ەكى جاعىندا دا كولىك اعىندارىن بولەتىن مەتالل تۋرنيكەتتەر بولادى. جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ رەسمي بەتتەرىندە، سونداي-اق گاج 2-قوسىمشاسىندا قولجەتىمدى بولادى.
ەستەرىڭىزگە سالا كەتەيىك، الماتىداعى ماگيسترالدىق كوشەلەردىڭ جول توسەمىن جوندەۋ جۇمىستارى العاش رەت جاڭا تەحنولوگيالاردى قولدانۋمەن جۇرگىزىلۋدە. اسفالتبەتونداردىڭ قۇرامىندا پوليمەرلەر قولدانىلادى. مۇنداي قوسپالار توزۋعا ءتوزىمدى، جۇمسارتۋ تەمپەراتۋراسى جوعارى (65-70°C)، سوندىقتان ىستىققا كوپ اسەر ەتپەستەن وڭاي توتەپ بەرە الادى، الدەقايدا ۇزاعىراق قىزمەت ەتەدى – قازىرگى 5 جىل جۇمىس ىستەۋدىڭ ورنىنا 8-10 جىل.
جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلۋدە. ۋاقىتشا قولايسىزدىقتار ءۇشىن كەشىرىم سۇرايمىز. بۇل قالانىڭ جولدارى بىزگە ۇزاعىراق قىزمەت ەتۋى ءۇشىن قاجەتتى شارا. مارشرۋتتى الدىن الا تۇزەتۋدى سۇرايمىز.