26–27 قىركۇيەك كۇندەرى الماتىدا «اكۋشەرلىك جانە نەوناتولوگياداعى انەستەزيولوگيا جانە قارقىندى ەمنىڭ وزەكتى ماسەلەلەرى» اتتى رەسپۋبليكالىق عىلىمي-تاجىريبەلىك كونفەرەنسيا وتەدى.
ءىس-شارا ق ر دەنساۋلىق ساقتاۋ مينيسترلىگىنىڭ قولداۋىمەن، «انەستەزيولوگتار جانە رەانيماتولوگتار فەدەراسياسى» رەسپۋبليكالىق قوعامدىق بىرلەستىگى، پەدياتريا جانە بالالار حيرۋرگياسى عىلىمي ورتالىعى جانە «اكۋشەرلىك، گينەكولوگيا جانە پەريناتولوگيا عىلىمي ورتالىعى» اق ۇيىمداستىرۋىمەن وتەدى، - دەپ حابارلايدى Aqshamnews.kz.
كونفەرەنسيا جۇمىسىنا قازاقستانمەن قاتار تۇركيا، رەسەي، وزبەكستان، تاجىكستان، قىرعىزستان جانە بەلارۋس ەلدەرىنەن كەلگەن ماماندار قاتىسادى. قاتىسۋشىلار قاتارىندا اكۋشەر-گينەكولوگتار، نەوناتولوگتار، انەستەزيولوگ-رەانيماتولوگتار، مەيىربيكەلەر مەن مەديسينالىق جوعارى وقۋ ورىندارىنىڭ عالىمدارى بار.
كونفەرەنسيانىڭ باستى تاقىرىپتارى:
ءىس-شارا اياسىندا كەلەسى ماسەلەلەر تالقىلانادى:
- جۇكتى ايەلدەرگە كورسەتىلەتىن انەستەزيولوگيالىق كومەك پەن قارقىندى ەمنىڭ ۇيىمداستىرىلۋى؛
- پەرزەنتحانالارداعى انەستەزيولوگ-رەانيماتولوگ دارىگەرلەرىنىڭ قىزمەتىندەگى وزەكتى ماسەلەلەر؛
- قازاقستانداعى انا مەن نارەستە ءولىمىن تومەندەتۋ جولدارى؛
- پەريناتالدىق ورتالىقتارداعى كادر تاپشىلىعى، اسىرەسە ورتا مەديسينالىق قىزمەتكەرلەردىڭ جەتىسپەۋشىلىگى؛
- انەستەزيولوگيالىق كومەكتى جەتىلدىرۋ ستاندارتتارى مەن زاماناۋي ادىستەردى ەنگىزۋ.
سەكسيالىق وتىرىستار مەن سيمپوزيۋمدار تاقىرىپتارى:
- جۇكتىلىك كەزىندە اسقىنۋلار جاعدايىنداعى انەستەزيا مەن قارقىندى ەم
- اۋىر اكۋشەرلىك جاعدايلاردا انەستەزيولوگيالىق قولداۋ
- بوسانۋ كەزىندەگى جانسىزداندىرۋ ادىستەرىن تاڭداۋ
- جۇكتى ايەلدەردە تىنىس الۋ جولدارىن قامتاماسىز ەتۋدەگى قيىندىقتار
- پەرزەنتحانالارداعى كادرلىق جۇكتەمە مەن تاپشىلىق
- انەستەزيولوگيالىق كومەكتى ۇيىمداستىرۋ ستاندارتتارىن جەتىلدىرۋ
- اكۋشەرلىك جانە نەوناتولوگيادا زاماناۋي ادىستەردى ەنگىزۋ
- اكۋشەرلىك انەستەزيولوگيا مەن قارقىندى ەم سالاسىنداعى سوڭعى جاڭارتۋلار
- ورتا مەديسينالىق قىزمەتكەرلەرىنىڭ كاسىبي ءرولى
- نەوناتولوگياداعى انەستەزيولوگيا مەن قارقىندى ەمنىڭ دامۋى
شەبەرلىك ساباقتار مەن فورمات:
كونفەرەنسيا شەڭبەرىندە 25 قىركۇيەك كۇنى اكۋشەرلىك، گينەكولوگيا جانە پەريناتولوگيا عىلىمي ورتالىعىندا ءۇش شەبەرلىك ساباعى ۇيىمداستىرىلادى.
ءىس-شارا فورماتى – گيبريدتى (وفلاين جانە ونلاين قاتىسۋ).
قاتىسۋشىلار سانى: شامامەن 1 000 ادام، ونىڭ ىشىندە 300 دەلەگات.
وتەتىن كۇندەرى: 26–27 قىركۇيەك، 2025 جىل
باستالۋى: ساعات 09:00
وتەتىن ورنى: الماتى قالاسى، «قازاقستان» قوناق ءۇيى، دوستىق داڭعىلى، 52/2