جوبا ماقساتى - ۇلى دومبىراشى، كومپوزيتور قۇرمانعازى ساعىرباي ۇلىنىڭ مۇراسىن دارىپتەۋ جانە ۇلى دالانىڭ ۇلى ەسىمدەرىنىڭ زاماناۋي گالەرەياسىن قالىپتاستىرۋ.
الماتى قالاسى قوعامدىق دامۋ باسقارماسىنىڭ قوعامدىق دامۋ ورتالىعى «Open air: قۇرمانعازى» جوباسىن وتكىزەدى، دەپ حابارلايدى Almaty-akshamy.kz
جوبا اياسىندا 7-8 ماۋسىم كۇندەرى اشىق اسپان استىندا «ايتىس» جانە «كۇي تارتىس» ءىس-شارالارى وتەدى.
جوبا قاتىسۋشىلارى - شىعارماشىلىق جوو-نىڭ جاستارى، ونىڭ ىشىندە قۇرمانعازى اتىنداعى قازاق ۇلتتىق كونسەرۆاتورياسى مەن ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ جاستارى، سونداي-اق ءداستۇرلى مۋزىكا اۋەسقويلارى.
رەسپۋبليكالىق جانە حالىقارالىق كونكۋرسقا قاتىسقان ورىنداۋشىلار ءوز ونەرلەرىن ورتاعا سالادى.
ايتىس – اۋىز ادەبيەتىندە ەرتەدەن قالىپتاسقان پوەتيكالىق جانر، اقىندار ايتىسى، اۋىزشا جىر پوەزياسىنىڭ ءبىر ءتۇرى.
ايتىس 4 باعىتتا وتەدى: «قىز بەن جىگىت ايتىسى»، «قالجىڭ ايتىس»، «شوۋ ايتىس»، «جۇمباق ايتىس».
كۇي تارتىس – كۇيشىلەردىڭ ءوزارا مۋزىكالىق تىلدەسۋى، زاماناۋي تىلمەن ايتقاندا، ءۇش ءتۇرلى فورماتتاعى باتتل:
- قازاق-قىرعىز كۇي تارتىسى؛
- جۇپتىق كۇي تارتىس؛
- توپتىق كۇي تارتىس.
كۇنى، ۋاقىتى، وتەتىن ورنى:
- ايتىس – 7 ماۋسىم ساع.15:00، «Mega Park» ويىن-ساۋىق ورتالىعى، امفيتەاتر، سەيفۋللين داڭعىلى، 483.
- كۇي تارتىس – 8 ماۋسىم ساع.15:00، «قۇرمانعازى اتىنداعى قازاق ۇلتتىق كونسەرۆاتوريا» الاڭى، ابىلاي حان داڭعىلى، 88.
«Open air: قۇرمانعازى» ءىس-شارالارى كورەرمەندەر ءۇشىن تەگىن.
بايلانىس:
+7 747 463 0125
+7 777 135 5561
oztandauyn@gmail.com