قايرات ساتىبالدىنىڭ بار مۇلكى مەملەكەت مەنشىگىنە بەرىلەدى

بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.

تىزىمدە Double Tree by Hilton Almaty ءقوناقۇيى دە بار، دەپ حابارلايدى Almaty-akshamy.kz

"قايرات ساتىبالدىۇلىنا قاتىستى سالىق تولەمەۋ جانە قىلمىستىق كىرىستەردى زاڭداستىرۋعا بايلانىستى قىلمىستاردىڭ باسقا ەپيزودتارى بويىنشا تەرگەۋ جالعاسىپ جاتىر. تەرگەۋ بارىسىندا زاڭسىز شىعارىلعان اكتيۆتەردى، سونداي-اق قىلمىستىق قاراجاتقا ساتىپ الىنعان مۇلىكتى قايتارۋ بويىنشا شارالار قابىلدانادى"، - دەيدى انتيكور.

زالالدى وتەۋ ماقساتىندا بيزنەس-ورتالىقتار، اكىمشىلىك عيماراتتار، كوممەرسيالىق ءۇي-جايلار، ۇيلەر، پاتەرلەر، اياقتالماعان قۇرىلىس نىساندارى، جەر ۋچاسكەلەرى، ەكسكليۋزيۆتى زەرگەرلىك بۇيىمدار، ليۋكس كولىكتەر مەن اقشالاي قاراجاتتار مەملەكەتكە بەرىلەدى.

"ولاردىڭ قاتارىنا 2021 جىلدىڭ قاراشا ايىندا ساتىبالدىۇلىمەن بايلانىستى كاسىپورىن ساتىپ العان "Double Tree by Hilton Almaty" ءقوناقۇيى كىرەدى. قازىرگى ۋاقىتتا وسى وبەكتىنى مەملەكەت مەنشىگىنە قايتارۋ اياقتالىپ جاتىر"، - دەدى ۆەدومستۆو.

ساتىبالدى ۇلى قازىرگى ۋاقىتتا تۇزەۋ مەكەمەسىندە جازاسىن وتەپ جاتىر.