ايتۆ جۇقپاسىن ەمدەۋ جانە الدىن الۋ ماسەلەلەرىنە ءاردايىم كوپ كوڭىل بولىنەدى.
الماتى قالاسى جيتس-تىڭ الدىن الۋ جانە وعان قارسى كۇرەس ورتالىعى باس دارىگەرىنىڭ ورىنباسارى الفيا دەنەبايەۆا وڭىرلىك كوممۋنيكاسيالار قىزمەتى الاڭىندا وتكەن بريفينگكە قاتىستى. ول سوڭعى جىلدارى جالپى ەل بويىنشا، سونداي اق مەگاپوليستە دە ايتۆ-نىڭ جىنىستىق جولمەن بەرىلۋ جاعدايلارىنىڭ 2013 جىلعى 63%-دان 2022 جىلى 77،9%-عا دەيىن كوبەيگەنى بايقالعان. ينەكسيالىق ەسىرتكى قولدانۋ ارقىلى بەرىلۋ 15%-دى قۇرايدى، دەپ حابارلايدى Almaty-akshamy.kz.
«ءبىزدىڭ ەلىمىزدە ايتۆ-ينفەكسياسىن ەمدەۋ جانە الدىن الۋ ماسەلەلەرىنە ءاردايىم كوپ كوڭىل بولىنەدى. ايتۆ-نىڭ ءتيىمدى الدىن الۋ، دياگنوستيكالاۋ، ەمدەۋ جانە كۇتىمىنە قول جەتىمدىلىكتى كەڭەيتۋدىڭ ارقاسىندا ينفەكسيا سوزىلمالى اۋرۋلار ساناتىنا ءوتتى. قازىرگى ۋاقىتتا ايتۆ-نى ەمدەۋ دياگنوز قويىلعاننان كەيىن بىردەن باستالادى جانە ول تەگىن بەرىلەدى. 2022 جىلعى 1 قازانىنداعى جاعداي بويىنشا جيتس ورتالىعىندا ديسپانسەرلىك ەسەپكە 4109 ادام تىرگەلگەن، جىل سايىنعى ءوسىم 10-11%-دى قۇرايدى، انىقتالعان جاعدايلاردىڭ تورتتەن ءبىر بولىگى ەلىمىزدىڭ باسقا ايماقتارىنان كەلگەن ازاماتتار. انتيرەتروۆيرۋستىق تەراپيانى 3688 ايتۆمەن ءومىر سۇرەتىن ادام قابىلدايدى (ءاوا) (بۇل ەسەپتە تۇرعانداردىڭ 91،2% جانە ءاوا بولجامدى سانىنىڭ سانىنىڭ 83%)، ارت تيىمدىلىگى 86% قۇرايدى»، - دەدى ستاتيستيكالىق مالىمەتتەر كەلتىرگەن الفيا دەنەبايەۆا.
ماڭىزدى باعدارلامالىق ارەكەتتەردىڭ ءبىرى ايتۆ-نىڭ انادان بالاعا بەرىلۋىنىڭ الدىن الۋ بولىپ تابىلادى. ايتۆ-عا وڭ ناتيجە كورسەتكەن جۇكتى ايەلدىڭ پروفيلاكتيكالىق ەم قابىلداۋى دەنى ساۋ بالانىڭ تۋىلۋىن قامتاماسىز ەتەدى. جۇكتى ايەلدەردى «ايەلدەر كەڭەسىندە» ايتۆ-عا ەكى رەت جوسپارلى تەكسەرۋدەن وتكىزەدى، بۇل الدىن الۋ ءىس-شارالارىن ۋاقتىلى باستاۋعا مۇمكىندىك بەرەدى. 2020 جىلدان باستاپ جۇكتى ايەلدەردىڭ جىنىستىق سەرىكتەرى دە ايتۆ-عا تەستىلەۋدەن وتۋدە.
سونداي-اق دارىگەردىڭ ايتۋىنشا، ەپيدەميامەن كۇرەسۋ جانە ينفەكسيانىڭ جاڭا جاعدايلارىن ازايتۋ ءۇشىن حالىقتىڭ جۇقتىرۋ ءقاۋپى جوعارى توپتارىنا كوپ كوڭىل بولىنۋدە.
«ينەكسيالىق ەسىرتكى قولدانۋشىلار اراسىندا پارەنتەرالدى بەرىلۋدىڭ الدىن الۋدىڭ ءتيىمدى شارالارىنىڭ ءبىرى «زياندىلىقتى ازايتۋ» باعدارلاماسى بولىپ تابىلادى. زياندىلىقتى ازايتۋ - بۇل ەسىرتكى قولدانۋدىڭ جاعىمسىز سالدارىن ازايتۋعا باعىتتالعان، ياعني ايتۆ، تۋبەركۋلەز، ۆيرۋستىق گەپاتيت سياقتى اۋرۋلاردىڭ بەرىلۋىن ازايتۋدىڭ كەشەندى شارالارى. وسى باعدارلامانى ىسكە اسىرۋ اياسىندا قالالىق ەمحانالاردا 19 سەنىم پۋنكتى مەن 5 دوستىق كابينەتتەرى جۇمىس ىستەيدى»، - دەدى الفيا دەنەبايەۆا.
قالا اۋماعىندا وسىنداي ءىس-شارالاردى وتكىزۋگە ۇكىمەتتىك ەمەس ۇيىمدار كومەك كورسەتەدى.
جوبا اياسىندا باسقا ەلدەردە جانە باسقا جوبالاردا ءوزىنىڭ تيىمدىلىگىن دالەلدەگەن مودەلدەر ەنگىزىلۋدە. زاماناۋي ساندىق تەحنولوگيالاردى قولدانۋدىڭ يننوۆاسيالىق مودەلدەردىڭ ءبىرى ايتۆ- تەستتەرىن ونلاين-تاپسىرىس بەرۋ، بۇل ايتۆ-نى جۇقتىرۋ ءقاۋپى تۋىنداعان ادامدار ءۇشىن ءوزىن-وزى تەستىلەۋ جاساۋ ءۇشىن وتە ءتيىمدى. تەستتى الماتى ق. جيتس ورتالىعىنىڭ سايتىندا hivtest.kz. سىلتەمەسى ارقىلى تاپسىرىس بەرۋگە بولادى. ايتۆ-نى جۇقتىرۋ ءقاۋپى جوعارى ادامدار ءۇشىن كونتاكتىگە دەيىنگى پروفيلاكتيكا ءتيىمدى ەنگىزىلۋدە. الماتى قالاسىندا كونتاكتىگە دەيىنگى پروفيلاكتيكا (كدپ) بويىنشا ايماقتىق HUB قۇرىلدى، ونىڭ بازاسىندا قىرعىزستان، تاجىكستان، رەسەيدىڭ جيتس ورتالىقتارى مەن ۇەۇ وكىلدەرى وقىتىلدى.