وڭىرلىك كوممۋنيكاسيالار قىزمەتى الاڭىندا الماتى قالاسى جيتس-تىڭ الدىن الۋ جانە وعان قارسى كۇرەس ورتالىعى دارىگەرلەرىنىڭ قاتىسۋىمەن بريفينگ ءوتتى.
ارنايى ءىس-شارا دۇنيەجۇزىلىك جيتس-كە قارسى كۇرەس كۇنىنە ورايلاستىرىلعان، دەپ حابارلايدى Almaty-akshamy.kz.
الماتى قالاسى جيتس-تىڭ الدىن الۋ جانە وعان قارسى كۇرەس ورتالىعىنىڭ پروفيلاكتيكالىق جۇمىس ءبولىمىنىڭ مەڭگەرۋشىسى الميرا زاۋربەكوۆا مەگاپوليستە 21 قاراشا – 1 جەلتوقسان ارالىعىندا «تەڭدىك ۋاقىتى!» ۇرانىمەن ونكۇندىك وتۋدە. بۇل ءىس-شارا يۋنەيدس ۇيىمىنىڭ باستاماسىمەن وتۋدە. جالپى، حالىقتىڭ، اسىرەسە، جاستاردىڭ ايتۆ جۇقپاسىنىڭ الدىن الۋ، ونى جۇقتىرىپ الماۋ ماسەلەلەرى بويىنشا اقپاراتتىق دەڭگەيىن كوتەرۋ ءۇشىن ءبارى جاسالىپ جاتىر.
«العاشقى جاعدايدىڭ تىركەلگەنىنە قىرىق جىلدان استام ۋاقىت وتسە دە، ايتۆ جۇقپاسى ءالى كۇنگە اۋقىمدى قاتەرلەردىڭ ءبىرى بولىپ وتىر. «تەڭدىك ۋاقىتى!» ۇرانى — بۇل ىس-ارەكەتكە شاقىرۋ. ول بارلىعىمىزدى ءجيتس-تى جويۋعا قاجەتتى تەكسەرىستەن وتكەن تاجىريبەلىك شارالاردى ىسكە اسىرۋعا جەتەلەيدى. ولاردىڭ ىشىندە: كومەككە مۇقتاج ءاربىر جاننىڭ قاجەتتىلىگىنىڭ قامتاماسىز ەتىلۋى، ياعني ايتۆ-جۇقپاسىن ەمدەۋ، تەكسەرىلۋ جانە الدىن الۋ ءۇشىن قولجەتىمدىلىك پەن ساپانىڭ جانە ارتۋى»، - دەدى ا.زاۋربەكوۆا.
ناۋقان كۇندەرى الماتى قالالىق جيتس ورتالىعىنىڭ مەديسينا قىزمەتكەرەلەرى قاۋىمداستىقتار مەن قوعامدىق ۇكىمەتتىك ەمەس ۇيىمدارمەن بىرلەسە وتىرىپ، حالىقتىڭ ايتۆ جۇقپاسى تۋرالى اقپاراتتىق دەڭگەيىن ارتتىرۋعا باعىتتالعان ءارتۇرلى شارالاردى ۇيىمداستىرىپ، وتكىزەدى.
ايتۆ جۇقپاسىنا تەكسەرىلۋدەن ءوتۋدىڭ جانە بەرىلۋ جولدارى تۋرالى اقپاراتتىلىقتى جوعارىلاتۋ ماقساتىندا جيتس ورتالىعىنىڭ ماماندارى مەديسينا قىزمەتكەرلەرى مەن زاڭ قىزمەتكەرلەرىنە، پەداگوگتار مەن اسكەري جانە قىلمىستىق-اتقارۋ جۇيەسىنىڭ قىزمەتكەرلەرىنە، اۋتري-قىزمەتكەرلەرگە ارناپ سەمينارلار مەن ترەنينگتار وتكىزەدى. س.ج. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ ستۋدەنتتەرى اراسىندا «ايتۆ جانە ستيگما/ديسكريميناسيا» تاقىرىبىنا پىكىرتالاس جوسپارلاندى. بيزنەس-قۇرىلىم وكىلدەرى اراسىندا اقپاراتتىق ماتەريالداردى تاراتا وتىرىپ، ايتۆ-عا تەستتەن وتكىزۋ اكسياسى ۇيىمداستىرىلادى.
ءبىلىمدى ارتتىرۋ، سونداي اق ايتۆ-مەن ءومىر سۇرەتىن ادامدارعا دەگەن ستيگما جانە ديسكريميناسيا جاعدايلارىن بولدىرماۋ ماقساتىندا ارناي ورتا ءبىلىم ورىندارىنىڭ ستۋدەنتتەرى اراسىندا «قاۋىپسىزدىك مارافونى» اتتى QUIZ ويىنى، سونىمەن قاتار سەنىم پۋنكتتەرىنىڭ مەدبيكەلەرى اراسىندا «ديسكريميناسياعا جول جوق!» تاقىرىبىندا كرەاتيۆتى شارلار چەللەندجىن ۇيىمداستىرۋ جوسپارلانىپ وتىر.
ەلىمىزدەگى سياقتى، الماتى قالاسىندا دا ايتۆ جۇقپاسى اۋرۋ تارالۋىنىڭ شوعىرلانعان ساتىسىندا. قالادا 15-49 جاس ارالىعىندا ايتۆ ينفەكسياسىنىڭ تارالۋ دەڭگەيى 0،44 پايىزدى قۇرايدى، بولجام بويىنشا - 0،57.
قالادا جىل سايىن حالىقتىڭ 16-17 پايىزى ايتۆ-عا تەستىلەۋدەن وتەدى (شامامەن 350 مىڭ زەرتتەۋ). نورماتيۆتىك-قۇقىقتىق قۇجاتتار نەگىزىندە قازاقستان رەسپۋبليكاسىندا قۇپيا مەديسينالىق تەكسەرىلۋدىڭ ساپالى ءارى قولجەتىمدىلىگى كەپىلدەندىرىلەدى. ايتۆ ستاتۋسىن ارنايى تەست تاپسىرۋ ارقىلى عانا بىلۋگە بولادى. ءاربىر ادام تۇرعىلىقتى جەرى بويىنشا ەمحانادا نەمەسە جيتس ورتالىعىندا ايتۆ-عا تەستتەن تەگىن وتە الادى.