جوبا ەكى جىلدان بەرى جۇزەگە اسىرىلىپ كەلەدى.
بۇل تۋرالى وڭىرلىك كوممۋنيكاسيالار قىزمەتى بريفينگىنىڭ بارىسىندا ايتۆ ەپيدەمياسىن باقىلاۋ بويىنشا الماتىلىق مودەلى جوباسىنىڭ ديرەكتورى، كولۋمبيا ۋنيۆەرسيتەتى جانىنداعى ICAP ميرا ساۋرانبايەۆا ايتتى، دەپ حابارلايدى Almaty-akshamy.kz.
«اتالعان جوبا ايتۆ-مەن كۇرەس جونىندەگى «قالالار-مودەلدەر» RADIAN ەلتون دجون قورىنىڭ اۋقىمدى باستاماسىنىڭ اياسىنداعى العاشقى جوبا بولىپ وتىر. ونىڭ ماقساتى – قالانىڭ بارلىق تۇرعىندارىنا ستيگماتيزاسياسىز جانە كەمسىتۋسىز ايتۆ-ينفەكسياسىنىڭ ءتيىمدى الدىن الۋ، تەستىلەۋ جانە ەمدەۋگە كەدەرگىسىز قولجەتىمدىلىكتى قامتاماسىز ەتۋ ءۇشىن تۇراقتى، كەشەندى جانە ءتيىمدى قالالىق باعدارلاما قۇرۋ»، - دەدى م.ساۋرانبايەۆا.
جوبا قالا اكىمدىگىمەن، الماتى قالالىق قوعامدىق دەنساۋلىق ساقتاۋ باسقارماسىمەن، ءجيتس-تىڭ الدىن الۋ جانە وعان قارسى كۇرەس ورتالىعىمەن جانە ۇكىمەتتىك ەمەس ۇيىمدارمەن بىرلەسە جۇمىس ىستەيدى.
جوبا اياسىندا زامانعا ساي اقپاراتتىق تەحنولوگيالار مەن قۇپيالىق ساقتاۋدىڭ پرينسيپتەرىن قولدانا وتىرىپ، ايتۆ-عا تەستىلەۋگە تاپسىرىس بەرۋدىڭ ونلاين زاماناۋي ادىس-تاسىلدەرى جۇزەگە اسىرىلۋدا. پاتروناجدى مەيىربيكە كۇتىمى مودەلى دە ىسكە اسىرىلۋدا. ونىڭ ماقساتى - انتيرەتروۆيرۋستىق تەراپيا الاتىن ايتۆ-مەن ءومىر سۇرەتىن ەگدە جاستاعى ادامداردى ەمدەۋ ناتيجەلەرىن جاقسارتۋ.
«2021 جىلدان باستاپ قالادا تەك قازاقستاندا عانا ەمەس، شىعىس ەۋروپا مەن ورتالىق ازيا وڭىرلەرىندە بايلانىسقا دەيىنگى الدىن الۋ باعدارلاماسى ءساتتى جۇزەگە اسىرىلۋدا. ۇيرەتۋ تۋرلارىنىڭ اياسىندا جيتس ورتالىعىنىڭ قىزمەتكەرلەرى مەن ۇەۇ قىرعىزستاننان، تاجىكستاننان، رەسەيدەن جانە قازاقستاننىڭ باسقا ايماقتارىنان كەلگەن ارىپتەستەرىمەن ءوزارا ارەكەتتەسۋ تاجىريبەسىمەن ءبولىستى»، - دەپ جالعاستىردى وكق بريفينگىنە قاتىسۋشى.
جوبادا ءارتۇرلى سيفرلىق تەحنولوگيالار بەلسەندى تۇردە قولدانىلادى: بايلانىسقا دەيىنگى الدىن الۋدا دارى-دارمەك الۋ ءۇشىن دارىگەرگە بارۋ تۋرالى اۆتوماتتى SMS ەسكەرتۋلەر، سەرىكتەستەر حابارلامالارىنىڭ بالامالى تۇرلەرى، الەۋمەتتىك جەلىلەردە، مەسسەندجەرلەردە اقپاراتتاندىرۋ كەڭىنەن قولدانىلادى. «پاسيەنت مەكتەبى» Telegram بوتى» ازىرلەندى، وندا ەمدەلۋشىلەر دارىگەرگە، پسيحولوگقا، كەڭەس بەرۋشىگە سۇراقتار قويىپ، ايتۆ-مەن ءومىر سۇرەتىن ادامدارعا ارنالعان ءوزارا كومەك كورسەتۋ توبىنىڭ ونلاين چاتىنا قوسىلا الادى. جوبا جۇزەگە اسىرىلعان ەكى جىل ىشىندە قوعامدىق ۇيىمداردىڭ كۇشىمەن حالىقتىڭ نەگىزگى توپتارىنىڭ 6 مىڭنان استام وكىلى ءتۇرلى پروفيلاكتيكالىق، الەۋمەتتىك جانە قۇقىقتىق قىزمەتتەرمەن قامتىلدى.
الماتى مودەلىنىڭ تاجىريبەسى كانادانىڭ مونرەال قالاسىندا وتكەن جيتس بويىنشا 24ء-شى حالىقارالىق كونفەرەنسياسىندا جانە يسپانيانىڭ سيەۆيليا قالاسىندا «FAST-TRACK CTIES 2022: جيتس ەپيدەمياسىنىڭ اياقتالۋى جولىندا» كونفەرەنسياسىندا تانىستىرىلعان.