مينيسترلىك اتالعان جايت بويىنشا تەكسەرۋ بارىسىن جاريالادى.
ەپيدەميولوگيالىق احۋالدىڭ مونيتورينگى بارىسىندا الماتى قالاسىنىڭ ءجيتس-تىڭ الدىن الۋ جانە وعان قارسى كۇرەس ورتالىعى الماتى قالاسىنىڭ ورتالىق قالالىق كلينيكالىق اۋرۋحاناسىندا ەمدەلىپ جاتقان ايتۆ-نىڭ وڭ مارتەبەسى بار 3 پاسيەنتتى انىقتادى.
قۇرامىنا قازاقستان رەسپۋبليكاسى دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتى ورتالىق اپپاراتىنىڭ جانە مەديسينالىق جانە فارماسيەۆتيكالىق باقىلاۋ كوميتەتىنىڭ جانە ولاردىڭ اۋماقتىق بولىمشەلەرىنىڭ ماماندارى، سونداي-اق بەيىندى ماماندار ەنگىزىلگەن كوميسسيا اعىمداعى جىلدىڭ 14 ماۋسىمىنان باستاپ وسى وقيعانى تەكسەرۋدى باستادى.
تەكسەرۋ شەڭبەرىندە پاسيەنتتەردىڭ باعىتى بەلگىلەنەدى، وكقا-دا كورسەتىلەتىن مەديسينالىق قىزمەتتەردىڭ كولەمى مەن ساپاسى جانە پاسيەنتتەر ەمدەۋگە جاتقىزىلعان بولىمشەلەردە مەديسينالىق كومەك كورسەتۋگە بايلانىستى ينفەكسيالاردىڭ پروفيلاكتيكاسى بويىنشا ينفەكسيالىق باقىلاۋدىڭ ساقتالۋ مونيتورينگى باعالانادى.
تەكسەرۋ بارىسىندا بارلىق پاسيەنتتەر 2023 جىلدىڭ ءساۋىر ايىندا وكقا-نىڭ بىرنەشە بولىمشەلەرىندە مەديسينالىق كومەك العانى انىقتالدى.
قازىرگى ۋاقىتتا پاسيەنتتەردىڭ مارشرۋتىن ەسكەرە وتىرىپ، بايلانىس شەڭبەرى بەلگىلەنۋدە. بۇگىنگى تاڭدا 593 بايلانىستا بولعان ادامنان ايتۆ-عا تەكسەرۋ ءۇشىن ماتەريال الىندى،ونىڭ 419-ى تەرىس، قالعان 174ء-ى جۇمىستا.
دەنساۋلىق ساقتاۋ مينيسترلىگى ىستەردى تەكسەرۋ بارىسىن ەرەكشە باقىلاۋدا ۇستايدى جانە بۇل تۋرالى جۇرتشىلىقتى ۇنەمى حاباردار ەتىپ وتىرادى.