الماتى اۋرۋحاناسىندا ايتۆ جۇقتىرۋ جاعدايى بويىنشا قالا اكىمى پىكىر ءبىلدىردى
بۇل تۋرالى قالا اكىمى ەرولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
كەزدەسۋگە كەلگەن اۋدان تۇرعىندارىنىڭ ءبىرى:
«ورتالىق قالالىق كلينيكالىق اۋرۋحانادا ءساۋىر ايىندا پاسيەنتتەر ايتۆ-نى جۇقتىرعان. ءسىز بۇل تۋرالى قاشان ءبىلدىڭىز؟ قانداي شارالار قابىلداندى جانە تەرگەۋ كەزىندە قالالىق دەنساۋلىق ساقتاۋ ءبولىمىنىڭ باسشىسى، اۋرۋحانا باسشىلىعى نگە ءوز ورىندارىندا؟ بۇل ناتيجەگە قانداي دا ءبىر تۇردە اسەر ەتۋى مۇمكىن دەپ ويلايسىز با»؟ - دەگەن سۇراق قويدى.
وعان الماتى اكىمى ەربولات دوسايەۆ:
«بىزدە تەرگەۋ جوق، تەكسەرۋ بار. دەنساۋلىق ساقتاۋ ءمينيسترىنىڭ ءتيىستى بۇيرىعى اياسىندا رەانيماسيادان سوڭ 30 كۇننەن كەيىن پاسيەنتتەر تەستىلەردى قايتا تاپسىرۋعا مىندەتتى. 2 جاعداي انىقتالدى ( كەيىن تاعى 1 جاعداي انىقتالدى، جالپى سانى - 3). بەكىتىلگەن رەگلامەنتكە سايكەس قالالىق جيتس ورتالىعىمەن بىرلەسىپ جۇمىس جۇرگىزىلدى: بارلىق رەسيپيەنتتەر، مەديسينالىق پەرسونال، رەانيماسيادا بولعان باسقا دا پاسيەنتتەر تولىق تەكسەرىلدى. وسىدان كەيىن رەگلامەنتكە سايكەس 13 ماۋسىمدا بارلىق دەرەكتەر سانيتارلىق-ەپيدەميالىق باقىلاۋ دەپارتامەنتىنە (سسەك) بەرىلدى. 14 ماۋسىمدا سسەك قاجەتتى كەزەكتەن تىس تەكسەرۋلەردى تاعايىندادى، ولار بويىنشا بۇگىندە جۇمىس جالعاسۋدا. كەشە دەنساۋلىق ساقتاۋ مينيسترلىگى ارالىق ناتيجەلەردى جاريالادى. بىرەۋدى قىزمەتىنەن بوساتۋ ءۇشىن الدىمەن ءبارى قايدان شىققانىن ءتۇسىنۋ كەرەك (ينفەكسيا كوزى قايدا بولدى). كوميسسيا جۇمىسىن اياقتاعان كەزدە دەنساۋلىق ساقتاۋ مينيسترلىگى مەن الماتىنىڭ قوعامدىق دەنساۋلىق ساقتاۋ باسقارماسى بۇل تۋرالى حابارلايدى. ءبىز ءبارىن باقىلاۋدا ۇستايمىز»،- دەپ جاۋاپ بەردى.