ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ تۋرالى كونۆەنسيانىڭ ەرەجەلەرىنە سايكەس، ايەلدەرگە قاتىستى زورلىق-زومبىلىقتى جويۋدىڭ حالىقارالىق كۇنى جىل سايىن 25 قاراشادا اتاپ وتىلەدى.
وسىعان بايلانىستى، 2022 جىلعى 25 قاراشا مەن 10 جەلتوقسان ارالىعىندا الماتى قالاسىنىڭ اۋماعىندا «ايەلدەرگە قاتىستى زورلىق-زومبىلىقسىز 16 كۇن» رەسپۋبليكالىق اكسياسى وتۋدە، دەپ حابارلايدى Almaty-akshamy.kz.
شارا تۇرمىستىق زورلىق-زومبىلىقتىڭ الدىن الۋ جانە وعان قارسى تۇرۋ، پوليسياعا دەگەن سەنىم دەڭگەيىن ارتتىرۋ، وتباسىنىڭ قوعامداعى ءرولىن نىعايتۋ ماقساتىندا وتكىزىلۋدە.
ءىس-شارانىڭ نەگىزگى ماقساتى – ايەلدەرگە قاتىستى زورلىق-زومبىلىقتىڭ الدىن الۋ جانە ەسكەرتۋ، انا مەن بالانى قورعاۋ، وتباسىنىڭ قوعامداعى ءرولىن نىعايتۋ باعىتىندا اتقارىلىپ جاتقان شارالارمەن جالپى حالىقتى تانىستىرۋ.
شارا اياسىندا تۇرعىندار اراسىندا ءتۇسىندىرۋ جۇمىستارىن جۇرگىزۋ، ىشكى ىستەر دەپارتامەنتىندە ەسەپتە تۇرعان تۇلعالاردى تۇرعىلىقتى جەرى بويىنشا تەكسەرۋ، وتباسى-تۇرمىستىق قاتىناستار سالاسىندا قۇقىقبۇزۋشىلىق جاساعان تۇلعالاردى انىقتاۋ جانە ەسەپكە الۋ جوسپارلانۋدا، الكوگولدىك ىشىمدىكتەردى تەرىس پايدالانۋ، سونداي-اق ولاردىڭ كۇندەلىكتى ءومىر سالاسىنداعى قىلمىستار تاراپىنان الدىن الۋ.
بۇل اكسيا وسى ءىس-شاراعا مۇددەلى مەملەكەتتىك ورگانداردىڭ، ۇكىمەتتىك ەمەس ۇيىمداردىڭ، جۇرتشىلىقتىڭ جانە بۇقارالىق اقپارات قۇرالدارىنىڭ وكىلدەرىن تارتۋ ارقىلى جۇزەگە اسىرىلادى.
سونداي-اق ءىس-شاراعا قۇقىقتىق كەڭەس جانە پسيحولوگيالىق كومەك كورسەتەتىن سەنىم تەلەفوندارى جۇمىس ىستەيتىن الماتى قالاسىنىڭ داعدارىس ورتالىقتارى قاتىسۋدا.
ەگەر ءسىز تۇرمىستىق زورلىق-زومبىلىق فاكتىلەرى تۋرالى حاباردار بولساڭىز نەمەسە ءسىز وسىنداي زورلىق-زومبىلىقتىڭ قۇربانى بولساڭىز، بۇل تۋرالى ءۇنسىز قالماعانىڭىز ءجون! پوليسياعا «102» نەمەسە مىنا تەلەفوندار بويىنشا حابارلاسۋ قاجەت:
پد الماتى - 254-45-99
المالى اۋدانىنىڭ پب 254-46-09،
الاتاۋ اۋدانىنىڭ پب 227-55-54،
اۋەزوۆ اۋدانىنىڭ پب 298-53-33،
بوستاندىق اۋدانىنىڭ پب 254-47-26،
جەتىسۋ اۋدانىنىڭ پب 254-49-43،
مەدەۋ اۋدانىنىڭ پب 254-48-66،
تۇركسىب اۋدانىنىڭ پب 298-54-25،
ناۋرىزباي اۋدانىنىڭ پب 254-49-48
داعدارىس ورتالىقتارىنىڭ تەلەفوندارى:
قق «رودنيك» – 396-19-38؛
كمم «جان-سايا» – «150» (ءانونيمدى، تاۋلىك بويى) نەمەسە 87714503450؛8-727-243-22-21
قق «انالار ءۇيى» -87473114109؛87473114051؛87473114067