الماتى قالاسىندا الەۋمەتتىك جەلى ارقىلى جابىرلەنۋشىنى الداپ، قىلمىس جاساعان كۇدىكتىلەر ۇستالدى، - دەپ حابارلايدى Aqshamnews.kz.
بۇعان دەيىن الەۋمەتتىك جەلىدە قىلمىسكەرلەر ءوزىن ايەل رەتىندە كورسەتىپ، ەر ادامدارمەن تانىسقان بىرنەشە جاعداي تىركەلگەن. حابارلامالار الماسىپ، جابىرلەنۋشىنىڭ پاتەرىنە كەزدەسۋ ۇيىمداستىرعاننان كەيىن ونىڭ "تانىستارى" كەلىپ، وزدەرىن اعاسى نەمەسە تۋىسى دەپ تانىستىرادى. ولار جىنىستىق سيپاتتاعى زورلىق-زومبىلىق تۋرالى شاعىم تۇسىرەمىز دەپ قورقىتىپ، اقشا بوپسالاعان.
وسىنداي وقيعالاردىڭ ءبىرى جەتىسۋ اۋدانىنىڭ پوليسيا قىزمەتكەرلەرىمەن جەدەل تۇردە اشكەرەلەندى. ناتيجەسىندە ءۇش كۇدىكتى ۇستالدى: ايەل ادام مەن ونىڭ ەكى سىبايلاسى. بارلىعى ۋاقىتشا ۇستاۋ يزولياتورىنا قامالدى. اتالعان دەرەك بويىنشا قىلمىستىق ءىس قوزعالىپ، سوتقا دەيىنگى تەرگەۋ جۇرگىزىلىپ جاتىر.
- قالا تۇرعىندارىن ەسكەرتەمىز، ينتەرنەت ارقىلى تانىسۋ ءاردايىم ءقاۋىپ ءتوندىرۋى مۇمكىن. سوندىقتان بەيتانىس ادامدارعا سەنبەۋگە، ساق بولۋعا، ەگەر قورقىتۋ نەمەسە بوپسالاۋ جاعدايى بولسا، دەرەۋ پوليسياعا حابارلاۋعا شاقىرامىز. ءاربىر وسىنداي دەرەك مۇقيات تەكسەرىلىپ، كىنالىلەر زاڭعا سايكەس جاۋاپكەرشىلىككە تارتىلادى، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.