قالا تۇرعىندارى مەن قوناقتارى ورتالىق مۋزەيدە ۇلت ۇستازىنىڭ ومىرىمەن، عىلىمي قۇجاتتارىمەن جاقىنىراق تانىسا الادى.
شاراعا بەلگىلى قوعام قايراتكەرلەرى مەن احمەتتانۋشىلار قاتىسىپ، اعارتۋشىنىڭ ونەگەلى ومىرىنەن مالىمەتتەر بەردى، دەپ حابارلايدى Almaty-akshamy.kz.
احمەت بايتۇرسىن ۇلى جان-جاقتى، پاراساتتى تۇلعا بولعان. پۋبليسيستيكالىق مۇراسى ءبىر توبە. «قازاق» گازەتىنىڭ جانە «قازاق» راديوسىنىڭ ۇيىمداستىرۋشىسى. سونداي-اق، قازاق ءان ونەرىن زەرتتەگەنىن بىرەۋ بىلسە، بىرەۋ بىلمەس. سوندىقتان، اعارتۋشىنىڭ مۇراسىن زەردەلەۋدى، دارىپتەۋدى توقتاتپاۋ كەرەك دەيدى عالىمدار.
«مىقتى ۇلتتىق مادەنيەتتەر ءالسىز مادەنيەتتەردى جۇتىپ جىبەرۋى ابدەن مۇمكىن. وسى تۇرعىدان كەلگەندە، ءوزىمىزدىڭ ۇلتتىق بەت-بەينەمىزدى ساقتاۋ ءۇشىن، بايتۇرسىن ۇلىنىڭ مۇراسى - وتە قۇندى مۇرا»، - دەيدى ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا.