الماتى پوليسياسى ادام ۇرلاعانداردى ۇستادى

كۇدىكتىلەر قاماۋعا الىندى.

40 جاستاعى الماتىلىقتى قىلمىسكەرلەر المالى اۋدانىندا ورنالاسقان تۇرعىن ءۇي اۋماعىنان ۇرلاپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ۇرلانعان ازاماتتىڭ ايەلى پوليسياعا ارىزبەن جۇگىنگەن. دەرەۋ ارنايى جەدەل تەرگەۋ توبى قۇرىلىپ، العاشقى ءىس-شارالار كەشەنى جۇرگىزىلدى، بۇل ۇرلاۋشىلاردىڭ جەكە باسىن جانە ولاردىڭ جابىرلەنۋشىنى قاي جەردە ۇستاپ وتىرعانىن جىلدام انىقتاۋعا مۇمكىندىك بەردى. ەر ادامدى بوساتۋ بويىنشا ارنايى ءىس-شارا قالانىڭ تۇركسىب اۋدانىنداعى قويمالار اۋماعىندا جۇرگىزىلدى. ءتورت ادام ۇستالدى. ولار بۇرىن بوپسالاۋ جانە بۇزاقىلىق ءۇشىن سوتتالعان. ۇرلانعان ازامات امان-ەسەن بوساتىلدى. ونى قاتتى سوققىعا جىققاندىقتان، مەديسينالىق كومەك قاجەت بولدى. جابىرلەنۋشىنىڭ ايتۋىنشا، بەيتانىس ادامدار ونى بوساتۋ ءۇشىن 200 مىڭ دوللار تالاپ ەتكەن، ايتپەسە، گەروينى بار ينەكسيامەن ەگەمىز دەپ قورقىتقان»، – دەيدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

قىلمىستىڭ ناقتى سەبەبى ق ر قك-نىڭ 125-بابى 2-بولىگىمەن تىركەلدى. سوتقا دەيىنگى تەرگەۋ بارىسىندا ءىستىڭ ءمان-جايى بەلگىلى بولادى. كۇدىكتىلەر قاماۋعا الىندى.