ەلىمىزدە العاشقى ۇلتتىق مەكتەپ اشىلادى
مەملەكەت باسشىسىنىڭ تاپسىرماسىمەن الماتىدا «ABAI ULTTYG MEKTEBIء-نىڭ» قۇرىلىسى باستالدى، دەپ حابارلايدى aqshamnews.kz.
جاڭا ءبىلىم وشاعى اباي فيلوسوفياسىنا، ونىڭ ىشىندە «بەس اسىل ءىس» يدەياسىنا نەگىزدەلەدى. وقۋ پروسەسى قازاق ءتىلى مەن ادەبيەتىن تەرەڭدەتىپ وقۋعا باعىتتالعان. ول ءۇشىن الماتىداعى اباي اتىنداعى مەكتەپ-ينتەرناتتىڭ الەۋەتى تولىقتاي قولدانىلادى. مەكتەپ قۇرىلىسى بىلتىر قاراشا ايىندا باستالعان ەدى. جاڭا عيمارات نىسانى 900 وقۋشىعا ارنالعان. ونىڭ ينفراقۇرىلىمىندا مەكتەپ-پانسيون، مۇعالىمدەر ءۇيى، كىتاپحانا، سپورت كەشەنى، جىلىجاي اۋماقتارى جانە تاعى باسقا قۇرىلىس نىساندارى قاراستىرىلعان.
مەكتەپ 2026 جىلى قولدانىسقا بەرىلەدى.