ديسپەچەرلىك قىزمەت، اۋە قوزعالىسىن ۇيىمداستىرۋ جۇيەسى جانە اۋە شابۋىلىنا قارسى قورعانىس جۇيەسى لاۋازىمدى تۇلعالارىنىڭ ارەكەتىن باعالاۋ ءۇشىن كەشەندى ۇيىمداستىرۋ-تەحنيكالىق سوت-مەديسينالىق ساراپتاما كوميسسياسى تاعايىندالدى، دەپ حابارلايدى aqshamnews.kz رف تەرگەۋ كوميتەتىنە سىلتەمە جاساپ.
رەسەيدىڭ تەرگەۋ كوميتەتى 2024 جىلعى 25 جەلتوقساندا قازاقستان رەسپۋبليكاسىنىڭ اۋماعىندا 39 ادامنىڭ قازا بولۋىنا جانە 28 ادامنىڭ دەنساۋلىعىنا زيان كەلتىرىلۋىنە (رف قك 263 بابى) اكەلگەن «ازەربايجان اۋە جەلىلەرى» اۋە كومپانياسىنىڭ Embraer-E190 ۇشاعىنىڭ اپاتقا ۇشىراۋى بويىنشا قىلمىستىق ءىستى تەرگەۋ امالدارىن جالعاستىرىپ وتىر، - دەلىنگەن رف تك رەسمي وكىلى س.پەترەنكونىڭ مالىمدەمەسىندە.
اتاپ وتىلگەندەي، تەرگەۋ ازەربايجان رەسپۋبليكاسى مەن قازاقستان رەسپۋبليكاسىنىڭ قۇزىرلى ورگاندارىمەن ارەكەتتەستىك ورناتقان. مەملەكەتارالىق اۆياسيا كوميتەتىنىڭ ماماندارىمەن بىرلەسە وتىرىپ برازيليانىڭ اۆياسيالىق وقيعالاردى تەرگەۋ جانە الدىن الۋ ورتالىعىندا (SENIPA) ۇشاقتىڭ وزدىگىنەن جازعىش قۇرالىنداعى دەرەكتەر زەرتتەلۋ ۇستىندە.
گروزنىي، ماحاچكالا جانە مينەرالنىە ۆودى ديسپەچەرلەرى مەن اۋە كەمەسىنىڭ كومانديرى اراسىنداعى اڭگىمەلەر تالدانىپ جاتىر. كەشەندى اۆياسيالىق-تەحنيكالىق ساراپتاما تاعايىندالدى. اۋە كەمەسىنىڭ بارلىق جۇيەلەرىنىڭ جاعدايى، سونداي-اق زاتتاي ايعاقتار زەرتتەلىپ جاتىر.
تەرگەۋ قايعىلى وقيعانىڭ سەبەپتەرىنە قاتىستى بارلىق ىقتيمال نۇسقالاردى قاراستىرۋدا.
ايتا كەتەيىك، 25 جەلتوقساندا قازاقستاننىڭ اقتاۋ قالاسىنا جاقىن جەردە AZAL-عا تيەسىلى جانە باكۋ-گروزنىي رەيسىن ورىنداعان جولاۋشىلار ۇشاعى اپاتقا ۇشىراعان بولاتىن. ۇشاق بورتىنداعى 67 ادامنىڭ 38ء-ى قازا تاۋىپ، 29-ى امان قالدى.