الماتىدا اباي داڭعىلىن قالا شەكاراسىنا دەيىن ۇزارتۋ جۇمىستارىنا بايلانىستى قوزعالىسقا ۋاقىتشا شەكتەۋلەر ەنگىزىلۋدە.
ماسەلەن، 19 قىركۇيەكتە 23.00-دەن 29 قىركۇيەكتە 23.00-گە دەيىن الاتاۋ داڭعىلىنان سترويتەلنايا كوشەسىنە دەيىنگى ۋچاسكەدە قوزعالىس جابىلادى.
اينالما جول وڭتۇستىك باعىتتا سترويتەلنايا، قۇندىزدى، سابدەنوۆ كوشەلەرىمەن، سولتۇستىكتە-سترويتەلنايا، ق. مەدەۋبەكوۆ، بەكەشيەۆ كوشەلەرىمەن قامتاماسىز ەتىلەدى. ۋچاسكەدە ەسكەرتۋ بەلگىلەرى قويىلادى.
ەستەرىڭىزگە سالا كەتەيىك، اباي داڭعىلىن قالا شەكاراسىنا دەيىن ۇزارتۋ بويىنشا قوزعالىستى اعىمداعى جىلدىڭ سوڭىنا دەيىن اشۋ جوسپارلانۋدا. بۇگىنگى تاڭدا قالعان 600 مەتر ۋچاسكەدە جۇمىس جۇرگىزىلۋدە، ۇزارتۋدىڭ جالپى ۇزىندىعى 5،3 كم قۇرايدى.
ايتا كەتۋ كەرەك، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالار» سەرۆيستەرىندە ورنالاستىرىلعان.
