ەكولوگيا جانە تابيعي رەسۋرستار ءمينيسترى ەرلان نىسانبايەۆ قازاقستانداعى جولبارىستاردى رەينترودۋكسيالاۋ جوسپارىمەن ءبولىستى.
ءمينيستردىڭ ايتۋىنشا، ەلىمىزگە جاقىندا نيدەرلاندى ەلىنەن ەكى امۋر جولبارىسى جەتكىزىلەدى، دەپ حابارلايدى aqshamnews.kz
مينيستر ەلىمىزدىڭ 2015 جىلى دۇنيەجۇزىلىك جابايى تابيعات قورىمەن ءتيىستى رەينترودۋكسيا قۇجاتىنا قول قويىلعانىن ەسكە سالدى.
"قارجىلاندىرۋ تولىعىمەن ولاردان بولادى. ءبىز بيىل جولبارىستاردىڭ العاشقى سانىن قابىلداۋعا دايىنبىز. تاريحقا سۇيەنسەك بىزدە ءارقاشان جولبارىستار بولعان. سوڭعى جولبارىس 1948 جىلى ولتىرىلگەن. ولار ىلە وزەنىنىڭ ساعاسىندا (سىرداريادا) ءومىر سۇرگەن. بۇل ولاردىڭ قونىستانىۋى مەن تارالۋى ءۇشىن وتە جاقسى ورىن بولدى. بۇگىن وسى جولبارىستاردى قابىلداۋعا جاعداي جاسادىق. امۋر تۇقىمداس تۇران جولبارىسى وتە تومەن تەمپەراتۋراعا ءتوزىمدى. سوندىقتان نيدەرلاندىدان ەكى امۋر جولبارىسىن اكەلۋدى جوسپارلاپ وتىرمىز"، – دەدى نىسانبايەۆ ءماجىلىس اياسىندا.