قالانىڭ ەڭ قارت تۇرعىندارى بۇگىنگى سايلاۋعا بەلسەندى قاتىسۋدا.
ۇلى وتان سوعىسىنىڭ ارداگەرى ولگا ساۆەنكو ءوز ەلىنىڭ وركەندەۋىنە العاشقىلاردىڭ ءبىرى بولىپ داۋىس بەردى، دەپ حابارلايدى Almaty-akshamy.kz.
ولگا اندرەيەۆنا ۇلى وتان سوعىسىنىڭ بارلىق جاۋىنگەرلىك جولدارىنان ءوتتى – مينسكىدەن بەرلينگە دەيىن. ۇلى وتان سوعىسىنا الماتىنىڭ تۋماسى 1941 جىلدان باستاپ، جەڭىس سوڭىنا دەيىن قاتىستى. 9 مامىردا ارداگەر 100 جاسقا تولادى.
ولگا اندرەيەۆنا قازاقستاندا جانە الەمدە بولىپ جاتقان وقيعالارعا قىزىعۋشىلىق تانىتادى. ۇزاق ءومىر بويى ول ەلدە وتكەن بارلىق سايلاۋ كومپانيالارىنا قاتىستى. ارينە، ارداگەر ەل ءۇشىن پارلامەنت ءماجىلىسى مەن ءماسليحاتتارعا سايلاۋ سياقتى ايتۋلى وقيعانى جىبەرە المادى.
الماتىنىڭ ەڭ قارت تۇرعىنى سايلاۋ ۋچاسكەسىنە جەكە كەلۋدى جوسپارلاعان، ءبىراق، وكىنىشكە وراي، دەنساۋلىعىنا بايلانىستى بارا المادى، سوندىقتان "ۋچاسكە" ونىڭ ۇيىنە كەلدى. سايلاۋ كوميسسياسىنىڭ مۇشەلەرى ۇزاق ءومىر سۇرگەن اناعا ارنايى باردى.
"بۇگىنگى سايلاۋ – مەن ءۇشىن ماڭىزدى وقيعا. ويتكەنى، ءبىزدىڭ نەمەرەلەرىمىز، شوبەرەلەرىمىز قالاي ءومىر سۇرەتىنى مەنىڭ جانە ءار ازاماتتىڭ داۋىسىنا بايلانىستى بولادى. مەن ءوز وتانىمدى، قازاقستاندى شىن جۇرەكتەن جاقسى كورەمىن، تۋعان قالام الماتىعا شىن جۇرەكتەن قولداۋ كورسەتەمىن. بۇگىن ەلىمىزدە پرەزيدەنت قاسىم-جومارت توقايەۆتىڭ باسشىلىعىمەن بولىپ جاتقان رەفورمالار حالقىمىزدىڭ ودان ءارى وركەندەۋى، قازاقستاندىقتاردىڭ بەيبىت بولاشاعى ءۇشىن بەرىك ىرگەتاس قالاۋدا"، – دەدى ارداگەر.