الماتىدا ۇلى وتان سوعىسى جانە ەڭبەك ارداگەرى داربالا جاباتايەۆا 80 جىلدىق جەڭىس مەرەكەسىن قارسى الىپ وتىر. بۇل تۋرالى Aqshamnews.kz سايتى حابارلايدى.
داربالا ءامىرجان قىزى جاباتايەۆا 1926 جىلى قوستاناي وبلىسىندا دۇنيەگە كەلگەن. سوعىس باستالعاندا ءجاسوسپىرىم قىز تىلدا ەڭبەك ەتىپ، 1943 جىلى ءوز ەركىمەن مايدانعا اتتانعان. ول 161-اتقىشتار پولكىنىڭ قۇرامىندا راديست بولىپ قىزمەت اتقارىپ، پولشانىڭ پورتتى قالالارىن ازات ەتۋگە قاتىسقان. جاۋىنگەرلىك جولىندا كونتۋزيا العانىنا قاراماستان، قايتادان مايدانعا ورالعان. جەڭىستى بالتىق تەڭىزىنىڭ وڭتۇستىگىندەگى پومەرانيادا قارسى الىپ، 1946 جىلى بەيبىت ومىرگە ورالدى.
سوعىستان كەيىن تۋعان جەرى قوستانايعا قايتىپ، ءتۇرلى جاۋاپتى قىزمەتتەر اتقاردى. 1951 جىلى الماتىعا كەلىپ، جوعارعى پارتيا مەكتەبىندە ءبىلىم الدى. كەيىن الماتى قالالىق كەڭەسىنىڭ بەس شاقىرىلىمىنىڭ دەپۋتاتى بولدى.
بۇگىندە عاسىر جاساعان كەيۋانا قىزىمەن بىرگە تۇرىپ، بالالارىنىڭ، نەمەرە-شوبەرەلەرىنىڭ قىزىعىنا بولەنۋدە. 80 جىلدىق جەڭىس قارساڭىندا المالين اۋدانى اكىمدىگى مەن Amanat پارتياسىنىڭ وكىلدەرى ارداگەردى ارنايى قۇتتىقتاپ، قۇرمەت كورسەتىپ، دەنساۋلىق پەن ۇزاق عۇمىر تىلەدى.
"ءبىزدىڭ ارداگەرلەر – ناعىز باتىرلار. ولار ءوز ومىرلەرىن قاۋىپكە تىگىپ، بولاشاق ۇرپاق ءۇشىن كۇرەستى. ولاردى قۇرمەتتەۋ – ءبىزدىڭ پارىزىمىز"، – دەدى دەپۋتات باقىتبەك جۇمابايەۆ.