2024 جىلدىڭ قاڭتارىندا الماتى ەلىمىزدىڭ وقۋشىلارى قالا مۋزەيلەرىنە تەگىن كىرۋگە مۇمكىندىك العان قازاقستانداعى العاشقى قالا اتاندى.
قالا اكىمىنىڭ شەشىمىمەن قولعا الىنعان بۇل باستاما مادەني تاربيە مەن ءبىلىم بەرۋ ۇدەرىسىن دامىتۋداعى ماڭىزدى قادام ەدى. ءبىر جىل ىشىندە الماتى مۋزەيلەرىنە 85 019 وقۋشى كەلدى، دەپ حابارلايدى aqshamnews.kz.
مۋزەيلەرگە تەگىن كىرۋ مەكتەپ ءبىلىمىن قولداۋدا ماڭىزدى قۇرالعا اينالدى. بۇل مۇمكىندىكتى اتا-انالار عانا ەمەس، مۇعالىمدەر دە ءتيىمدى پايدالانىپ، وقۋشىلاردى ەكسكۋرسيالارعا اپارىپ ءجۇر. بالالار تاريحي جادىگەرلەردى، ەكسپوناتتار مەن ونەر تۋىندىلارىن گيدتەردىڭ جەتەكشىلىگىمەن زەرتتەۋدە. تاريح، ادەبيەت جانە باسقا ءپان مۇعالىمدەرى كورىپ-بىلگەنىن ساباق تاقىرىپتارىمەن بايلانىستىرىپ، وقۋشىلاردىڭ ءبىلىمىن تەرەڭدەتىپ، وقۋ بارىسىن قىزىقتى ەتۋگە بارىنشا ۇمتىلۋدا.
قالا مۋزەيلەرىندە ۇسىنىلعان تاريحي ماڭىزدى جادىگەرلەر ەرەكشە قىزىعۋشىلىق تۋدىرادى. مىسالى، الماتى تاريحى مۋزەيىنە بارۋ ارقىلى وقۋشىلار مىڭجىلدىق تاريحى بار شاھاردىڭ دامۋىنا قاتىستى نەگىزگى وقيعالاردى تەرەڭ تۇسىنەدى، ال احمەت بايتۇرسىن ۇلى مۋزەي-ۇيى قازاق ادەبيەتى مەن ءتىل رەفورماسىن زەردەلەۋدە قۇندى رەسۋرسقا اينالعان. ىقىلاس اتىنداعى حالىق مۋزىكالىق اسپاپتار مۋزەيى وقۋشىلاردىڭ مۋزىكالىق مادەنيەتتى زەرتتەۋگە جول اشادى.
«وقۋشىلار مۋزەيلەرگە بارىپ قانا قويماي، ارتەفاكتىلەر ارقىلى مادەنيەت پەن ونەردى تەرەڭ تۇسىنۋگە ۇيرەنەدى. بۇل ولارعا ساباقتا العان ءبىلىمىن بەكىتىپ ءارى سىني ويلاۋ داعدىسىن دامىتۋعا سەپتىگىن تيگىزەدى. ەكسكۋرسيالار قازاق حالقىنىڭ تاريحى مەن ءداستۇرىن قۇرمەتتەۋگە ىقپال ەتەدى. بۇل باستاما بالالاردىڭ جان-جاقتى دامۋىنا ىقپال ەتەدى، ءوي-ورىسىن كەڭەيتەدى جانە مادەنيەت، ونەر، تاريحتى ودان ءارى زەرتتەۋگە دەگەن قىزىعۋشىلىعىن وياتادى»، - دەپ حابارلايدى مادەنيەت باسقارماسى.
يگى باستامانى جۇزەگە اسىرۋدا مۋزەي قىزمەتكەرلەرىنىڭ ەڭبەگى ەرەكشە ءرول اتقارادى. ەكسكۋرسيامەن قوسا، ولار مەكتەپ وقۋشىلارىنا قىش ىدىس جاساۋ، تيىن سوعۋ، زەرگەرلىك بۇيىمدار جاساۋ جانە باسقا دا ءداستۇرلى قولونەر بويىنشا ينتەراكتيۆتى شەبەرلىك دارىستەر ۇيىمداستىردى. بۇل بالالارعا ءوزىن شەبەر رەتىندە سەزىنۋمەن قاتار، سىناپ كورۋگە مۇمكىندىك بەردى.
جالپى، مەكتەپ جاسىنداعى بالالار الماتىداعى مىنا مۋزەيلەرگە تەگىن كىرە الادى:
1) الماتى تاريحى مۋزەيى (قابانباي باتىر كوشەسى، 132)؛
2) ىقىلاس اتىنداعى حالىق مۋزىكالىق اسپاپتار مۋزەيى (زەنكوۆ كوشەسى، 24/ا)؛
3) د. ا. قونايەۆ مۋزەيى (تولەبايەۆ كوشەسى، 117)؛
4) ادەبي-مەموريالدىق مۋزەي كەشەندەرى: س. مۇقانوۆتىڭ مۋزەي-ۇيى (تولەبايەۆ كوشەسى، 125 - 4ء-شى پاتەر)، ع. مۇسىرەپوۆتىڭ مۋزەي-ۇيى (تولەبايەۆ 130، 25ء-شى پاتەر)؛
5) ن. تىلەندييەۆ مەموريالدىق مۋزەيى (قونايەۆ كوشەسى، 96)؛
6) ا. بايتۇرسىن ۇلى مۋزەي-ۇيى (بايتۇرسىن ۇلى كوشەسى، 60)؛
7) رايىمبەك باتىر مۋزەي كەشەنى (رايىمبەك باتىر داڭعىلى، 96ا)؛
8) ءداستۇرلى مۋلتيمەديالىق مۋزىكا ورتالىعى (نۇركەنت شاعىن اۋدانى، 5/11).