جامبىل وبلىسى پوليسيا دەپارتامەنتىنىڭ كيبەرقىلمىسقا قارسى كۇرەس قىزمەتى وبلىستىق پروكۋراتۋرامەن بىرلەسىپ، 33 جاستاعى رەسەي فەدەراسياسىنىڭ ازاماتىن ۇستادى.
ول الماتى قالاسىنداعى ساۋدا ورتالىقتارىندا جابىرلەنۋشىلەردىڭ بانك شوتتارىنان اقشا ۇرلاۋعا باعىتتالعان الاياقتىق سحەماعا قاتىسى بار دەگەن كۇدىككە ءىلىندى، دەپ حابارلايدى aqshamnews.kz
تاراز قالاسىنىڭ پوليسيا باسقارماسىنا زەينەتكەر ايەل شاعىمدانىپ، بەلگىسىز بىرەۋدىڭ الداۋ جولىمەن ونىڭ 13،2 ملن تەڭگە قاراجاتىن يەمدەنىپ العانىن مالىمدەگەن. قىلمىسكەر ينتەرنەت-رەسۋرستاردى پايدالانىپ، زەينەتكەردىڭ بانك شوتىنا قاتىستى الاياقتىق ارەكەتتەر جاساعان. كۇدىكتى قازاقستان اۋماعىنان شىعىپ كەتپەك بولعان كەزىندە قۇرىقتالدى. اتالعان فاكتى بويىنشا ق ر قىلمىستىق كودەكسىنىڭ 190-بابى 3-بولىگىنە (الاياقتىق) سايكەس سوتقا دەيىنگى تەرگەۋ باستالدى.
قازىرگى تاڭدا تەرگەۋ شارالارى جۇرگىزىلىپ، قىلمىستىڭ بارلىق ءمان-جايى انىقتالۋدا. سونىمەن قاتار كۇدىكتىنىڭ باسقا دا قىلمىستارعا قاتىستىلىعى تەكسەرىلىپ جاتىر.