الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋدە اۋداننىڭ قولجەتىمدى ءارى ساپالى مەديسينانى دامىتۋ جوسپارى تۋرالى ايتتى، دەپ حابارلايدى aqshamnews.kz
بىلتىر قازان ايىندا نۇرشاشقان شاعىن اۋدانىندا زاماناۋي قۇرال-جابدىقتارمەن جابدىقتالعان جاڭا وتباسىلىق دارىگەرلىك امبۋلاتوريا اشىلدى. ول ءبىر اۋىسىمدا 100 ادامدى قابىلداۋعا ارنالعان، بۇگىندە ونىڭ قىزمەتىن 12 مىڭنان استام ادام پايدالاندى.
«2025 جىلدىڭ تامىز ايىندا ايباسوۆ كوشەسىندە ءبىر اۋىسىمدا 200 ادامدى قابىلدايتىن تاعى ءبىر وتباسىلىق دارىگەرلىك امبۋلاتوريانىڭ قۇرىلىسى اياقتالادى»، — دەدى قالا باسشىسى.
جەدەل جاردەم كۇتۋ ۋاقىتىن قىسقارتۋ ماقساتىندا ناماگان كوشەسىندە 10 بريگاداعا ارنالعان №13 جەدەل مەديسينالىق جاردەم قوسالقى ستانسياسى اشىلدى.
سونىمەن قاتار، كەلەسى ايدا №20 قالالىق ەمحانانىڭ عيماراتىندا كۇردەلى جوندەۋ جۇمىستارىن اياقتاۋ جوسپارلانىپ وتىر.
بيىل ناماگان كوشەسىندە ءبىر اۋىسىمدا 500 ادامدى قابىلدايتىن جاڭا ەمحانا، المەرەك جانە رۆ-90 شاعىن اۋداندارىندا ءارقايسىسى ءبىر اۋىسىمدا 200 قابىلداۋعا ارنالعان ەكى وتباسىلىق دارىگەرلىك امبۋلاتوريانىڭ قۇرىلىسىنا قاتىستى جوبالاردىڭ مەملەكەتتىك ساراپتاماسى اياقتالماق. سونداي-اق، №8 قالالىق كلينيكالىق اۋرۋحانانى رەكونسترۋكسيالاۋ جانە قوسىمشا قۇرىلىس جوباسى قاراستىرىلۋدا. قازىرگى ۋاقىتتا اۋرۋحانا 1961 جانە 1972 جىلدارى سالىنعان عيماراتتاردى پايدالانىپ وتىر.
№8 قالالىق اۋرۋحانانى قايتا جاڭارتۋ اياسىندا ەرەسەكتەر مەن بالالارعا ارنالعان كوپبەيىندى ستاسيونارلار مەن پوليكلينيكانى بىرىكتىرەتىن ءبىرىڭعاي مەديسينالىق كلاستەر قۇرۋ جوسپارلانعان. مۇندا تۇرعىندارعا جوعارى تەحنولوگيالىق مەديسينالىق كومەك كورسەتىلەدى.