الماتىدا مايلين كوشەسى بويىندا «اۆياتور» زاماناۋي دە شىنىقتىرۋ-ساۋىقتىرۋ كەشەنىنىڭ قۇرىلىسى باستالادى
الماتىنىڭ تۇركسىب اۋدانىندا وسى جىلدىڭ قىركۇيەك ايىندا تاعى ءبىر دەنەشىنىقتىرۋ-ساۋىقتىرۋ كەشەنىنىڭ (دسك) قۇرىلىسى باستالادى. بۇل تۋرالى قالا باسشىسى ەربولات دوسايەۆ اۋدان تۇرعىندارىمەن كەزدەسۋدە مالىمدەدى. دسك مايلين كوشەسىندە ورنالاسادى، دەپ حابارلايدى aqshamnews.kz
«قۇرىلىس-مونتاجداۋ جۇمىستارىن اياقتاۋ 2026 جىلدىڭ ءتورتىنشى توقسانىنا جوسپارلانۋدا»، - دەدى ەربولات دوسايەۆ.
ايتا كەتەيىك، وسى جىلدىڭ اقپان ايىندا تۇركسىب اۋدانىنداعى جاس قانات ش/ا كۇنىنە 600 ادام قابىلداي الاتىن دەن شىنىقتىرۋ-ساۋىقتىرۋ كەشەن اشىلعان ەدى.
ەستەرىڭىزگە سالا كەتەيىك، وتكەن جىلى الماتىدا زەردەلى شاعىن اۋدانىندا كۇنىنە 400 كەلۋشىگە ارنالعان دەنەشىنىقتىرۋ-ساۋىقتىرۋ كەشەنى اشىلدى. سونداي-اق شۇعىلا، سايالى ش/ا جانە ەرەكشە قاجەتتىلىكتەرى بار ادامدارعا ارنالعان سپورت ورتالىعىن سالۋعا جسق ازىرلەۋ جۇرگىزىلۋدە.
دەن شىنىقتىرۋ-ساۋىقتىرۋ كەشەندەرى سپورتپەن شۇعىلدانۋعا، سپورتتىق ءىس-شارالاردى وتكىزۋگە ارنالعان قۇرىلىستار بولىپ تابىلادى. دسك-دە سپورت، بوكس جانە حورەوگرافيالىق زالدار، ۇستەل ويىندارى زالدارى جانە باسقالارىبار. نورماتيۆتەرگە سايكەس ورتالىقتار كيىم-كەشەك جانە دۋش بولمەلەرىمەن، سونداي-اق مۇمكىندىگى شەكتەۋلى ازاماتتارعا بەيىمدەلگەن سانيتارلىق توراپتارمەن جابدىقتالعان.