الماتىنىڭ الاتاۋ اۋدانىندا 1440 ورىندىق ەكى كوللەدج بەن 760 ورىنعا ارنالعان جاتاقحانالاردىڭ قۇرىلىسى باستالدى. بۇل تۋرالى وكق بريفينگىندە اۋدان باسشىسى ازامات قالدىبەكوۆ مالىمدەدى، دەپ حابارلايدى اlmaty-akshamy.kz.
ەستەرىڭىزگە سالا كەتەيىك، مەملەكەت باسشىسى الماتىعا كەلگەن ساپارىندا ۇكىمەتكە ستۋدەنتتەرگە ارنالعان جاتاقحانالاردىڭ جەتىسپەۋشىلىگى ماسەلەسىن شەشۋدى تاپسىرعان بولاتىن. ويتكەنى الماتى عىلىم مەن ءبىلىم بەرۋدىڭ وزىق ورتالىقتارىنىڭ ءبىرى بولىپ سانالادى.
پرەزيدەنت تاپسىرماسىنا ساي، ستۋدەنتتەرگە ارنالعان جاڭا جاتاقحانالاردىڭ قۇرىلىسى بويىنشا بەلسەندى جۇمىس جۇرگىزىلىپ جاتىر.
«ستۋدەنتتەردىڭ ءومىر ءسۇرۋ جاعدايىن جاقسارتۋ ءۇشىن اعىمداعى جىلى زەردەلى شاعىن اۋدانىندا 380 ورىندىق جاتاقحاناسى بار 720 ورىنعا شاقتالعان كاسىپتىك-تەحنيكالىق كوللەدج قۇرىلىسى باستالدى. سونداي - اق، العاباس شاعىن اۋدانىندا 380 ورىندىق جاتاقحاناسى بار 720 ورىندىق يننوۆاسيالىق - تەحنيكالىق كوللەدج عيماراتى سالىنۋدا»، - دەدى ازامات قالدىبەكوۆ الماتى قالاسىنىڭ وكق بريفينگىندە.
سونداي-اق، الاتاۋ اۋدانىندا 1 600-دەن استام ادام وقيتىن ۋنيۆەرسيتەت جانە 859 وقۋشى وقيتىن ەكى ورتا ارناۋلى وقۋ ورنى بار.