قازىرگى ۋاقىتتا الاتاۋ اۋدانىنىڭ 85%-ى جارىقتاندىرىلعان. جارىق نۇكتەلەرىنىڭ سانى - 38 105 دانا. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە الاتاۋ اۋدانىنىڭ اكىمى ازامات قالدىبەكوۆ حابارلادى.
ول 2020 جىلى 413 كوشەدە 19 471 جارىقديودتى شام ورناتىلعانىن ەسكە سالدى.
«اۋدان اكىمدىگى ءىشىنارا جارىقتاندىرىلعان 378 كوشە بويىنشا كوشە جارىعىن سالۋعا جسق ازىرلەۋ بويىنشا جۇمىستار جۇرگىزۋدە. قۇرىلىس-مونتاجداۋ جۇمىستارىنىڭ باستالۋى 2024 جىلى جوسپارلانعان»، - دەپ حابارلادى اۋدان اكىمى.
اۋداننىڭ كەلبەتىن جاقسارتۋ جانە اباتتاندىرۋ تاقىرىبىن جالعاستىرعان اكىم ازامات قالدىبەكوۆ «الماتى قالاسىنىڭ بيۋدجەتكە قاتىسۋ» باعدارلاماسى قالاي جۇزەگە اسىرىلىپ جاتقانىن ايتىپ بەردى. بيىل قالا تۇرعىندارىنان 303 جوبا كەلىپ ءتۇستى، ونىڭ ىشىندە تۇرعىنداردىڭ داۋىس بەرۋىنە سايكەس ىسكە اسىرۋ ءۇشىن 2 ملرد.675 ملن. تەڭگە سوماسىنا 54 جوبا ىرىكتەلدى. بۇگىنگى تاڭدا 37 نىساننىڭ قۇرىلىسى اياقتالدى. جىل سوڭىنا دەيىن قالعان 17 جوبانىڭ قۇرىلىسى بويىنشا جۇمىستار جۇرگىزىلۋدە.
مىسالى، جىل سوڭىنا دەيىن قاراسۋ شاعىن اۋدانىنداعى باعانالى وردا كوشەسىندەگى اللەيانىڭ قۇرىلىسى اياقتالادى. احانوۆ كوشەسىندەگى جاسىل ايماقتى اعىمداعى جوندەۋ جۇمىستارى اياقتالدى.