الماتى قالاسىنىڭ ورتالىعىندا پوليسيا قىزمەتكەرلەرى ءۇش تۇرعىن ءۇي كەشەنىندەگى 71 پاتەردەن ينتيمدىك قىزمەت كورسەتىلەتىن پريتونداردى انىقتادى، دەپ حابارلايدى Aqshamnews.kz ءتىلشىسى.
پوليسيا مالىمەتىنشە، "مانحەتتەن"، "اقبۇلاق" جانە "كاۋسار" تۇرعىن ءۇي كەشەندەرىندەگى پاتەرلەر ينتيمدىك قىزمەت كورسەتۋ ءۇشىن پايدالانىلعان. كەيبىر پاتەرلەردە تىركەۋسىز جانە قۇجاتسىز ادامدار تۇرعان.
ءتارتىپ ساقشىلارى پاتەر يەلەرىن اكىمشىلىك جاۋاپكەرشىلىككە تارتقان. سونداي-اق زاڭسىز ارەكەتكە قاتىسى بار تۇرعىندارعا دا شارا قولدانىلعان.
المالى اۋداندىق پوليسيا باسقارماسىنىڭ باستىعى ماقسات پشان:
"پوليسيا قىزمەتكەرلەرى قۇقىقبۇزۋشىلىقتىڭ الدىن الۋ بويىنشا كۇندەلىكتى پروفيلاكتيكالىق جۇمىستار جۇرگىزىپ كەلەدى. تۇرعىندار دا ءوز ۇيلەرىندەگى قاۋىپسىزدىك پەن قوعامدىق تارتىپكە جاۋاپكەرشىلىكپەن قاراۋعا ءتيىس. زاڭ بۇزۋشىلىقتى بايقاسا، بەيجاي قالماي، حابارلاۋىن سۇرايمىز"، - دەدى.
پوليسيا مۇنداي رەيدتەر تۇراقتى تۇردە جالعاسا بەرەتىنىن اتاپ ءوتتى.