الەمدىك پوپ-مۋزىكا تاريحىندا وشپەس ءىز قالدىرعان امەريكالىق Backstreet Boys توبى العاش رەت الماتىعا كەلدى. انشىلەردىڭ كوپتەن كۇتكەن كونسەرتى قالا تۇرعىندارى مەن قوناقتارىنا ەرەكشە اسەر سىيلاماق. كونسەرت قايدا جانە قالاي وتەدى؟ كىرۋ ءتارتىبى قالاي بولادى؟ تولىعىراق اqshamnews.kz ماتەريالىندا.
قايدا جانە قاشان؟
كونسەرت 19 قىركۇيەكتە ورتالىق ستاديوندا وتەدى.
كىرۋ ۋاقىتى مەن ءتارتىبى
- ستاديون ەسىگى ساعات 15:00-دە اشىلادى.
- ءىس-شاراعا بيلەتتەرىندە QR-كودى بارلار كىرە الادى. ءبىر بيلەت ءبىر ادامعا عانا جارامدى.
- VIP Standing، Fan zone، Dance floor ايماقتارىنا 16 جاستان باستاپ قانا كىرۋگە رۇقسات.
ورتالىق ستاديونعا قالاي جەتۋگە بولادى؟
- الماتى ارەناعا قالا ورتالىعىنان ارنايى اۆتوبۋس مارشرۋتتارى قاراستىرىلعان.
- جەكە كولىكپەن كەلۋشىلەرگە اۆتوتۇراق قىزمەتى ۇسىنىلادى، ءبىراق ورىن شەكتەۋلى.
كورەرمەندەر مەتالل ىزدەگىش رامالار مەن سكانەرلەر ارقىلى كىرگىزىلەدى.
"اباي داڭعىلى ۋاقىتشا جابىلادى، كولىك كەپتەلىسىنىڭ الدىن الۋ ءۇشىن ارنايى "زمەيكا" تۇرىندەگى تۋرنيكەتتەر قويىلادى. سونىمەن قاتار الىپساتارلىق پەن زاڭسىز اكسيالارعا قارسى كۇرەس شارالارى كۇشەيتىلەدى، ناقتى الگوريتم دايىن"، – دەدى اكىمنىڭ ورىنباسارى ازامات قالدىبەكوۆ.
شارا اياقتالعان سوڭ كورەرمەندەرگە ارنايى شاتتلدار قىزمەت كورسەتەدى. باعىتتار:
- الماتى ارەنا
- الماتى-1 تەمىرجول ۆوكزالى
- رايىمبەك / الاتاۋ
- وربيتا
- حالىق ارەنا
- قالقامان
اۋا رايى مەن ستيل
بولجام بويىنشا، بۇگىن جاڭبىر جاۋۋى مۇمكىن. ۇيىمداستىرۋشىلار قولشاتىردىڭ ورنىنا سۋ وتكىزبەيتىن ارنايى كيىم الۋدى ۇسىندى.
سونىمەن قاتار، كەشتىڭ درەسس-كودى 2000-جىلدار ستيلىندە بولماق.
كەش بارىسىندا توپتىڭ I Want It That Way، Everybody (Backstreet’s Back)، As Long As You Love Me، Show Me The Meaning of Being Lonely، Shape of My Heart سىندى اتاقتى حيتتەرى جانە سوڭعى شىققان تۋىندىلارى شىرقالماق