كىشكەنتاي ءسابي قۇتقارىلدى.
21 شىلدە كۇنى تۇستەن كەيىن قالا تۇرعىنى ەرمەكباي تامابايەۆ ءبىر جاسار نەمەرەسىن كوتەرىپ، ءۇيىنىڭ اۋلاسىندا سەرۋەندەپ جۇرگەن. كەنەتتەن ول جىلاعان بالانىڭ داۋسىن ەستيدى. سول كەزدە 7-قاباتتا پودەزدەگى بالكوننىڭ قورشاۋىندا كىشكەنتاي بالانىڭ سالبىراپ تۇرعانىن بايقاسا كەرەك، دەپ حابارلايدى Almaty-akshamy.kz Inbusiness.kz سايتىنا سىلتەمە جاساپ.
“باسى تەمىر تورلارعا تىرەلىپ، دەنەسى مەن قولدارى سىرتتا سالبىلاپ تۇردى، ول قۇلاپ كەتە مە دەپ ەسىم شىقتى"، – دەيدى اقساقال.
قولىنداعى كىشكەنتاي نەمەرەسىن تاستاپ كەتە الماعان قارت كىرەبەرىستە تۇرعان جاستاردى كومەككە شاقىرعان، ءبىراق وعان نازار اۋدارا قويعان ەشكىم بولماعان.
"ەگەر بالا قۇلاپ كەتسە، ەڭ بولماسا، ۇيگە كىرەبەرىستىڭ شاتىرىنا كوتەرىلۋدى ءوتىندىم. مەنىڭ وتىنىشىمە دەرەۋ كومەككە جاس جىگىت جۇگىرىپ باردى. توردىڭ اراسىندا ءىلىنىپ تۇرعان بالانى سوڭعى مينۋتتاردا قۇتقارىپ ۇلگەردى، ءارى قاراي ۇرەيدەن نە ىستەرىن بىلمەي تۇرعان اناسىنا تابىستادى"، – دەدى اقساقال.
بالانى امان الىپ قالعان 19 جاستاعى جاس قاھارمان ەراسىل ارحات ۇلى بولىپ شىقتى. ول اباي اتىنداعى پەداگوگيكالىق ۋنيۆەرسيتەتىنىڭ دەنە شىنىقتىرۋ فاكۋلتەتىنىڭ ستۋدەنتى ەكەن. جاس جىگىتتىڭ بالانى قالاي قۇتقارىپ قالعانىن وقيعا كۋاگەرى، بالانى قۇتقارۋعا اراشاشى بولعان ەرمەكباي تامابايەۆتىڭ ءوزى الماتى قالاسىنىڭ توتەنشە جاعدايلار دەپارتامەنتىنە حابارلاپ ايتقان.
الماتى قالاسى تجد باسشىلىعى ق ر تج مينيسترلىگىنە جوعارىدا اتالعان تۇلعالاردى ماراپاتتاۋ تۋرالى ۇسىنىس ءبىلدىردى.