ونعا جۋىق ادام جول بويىندا توبەلەسكەن.
پوليسەيلەر الماتىدا ناۋرىزباي اۋدانىنداعى Alma City تۇرعىن ءۇي كەشەنىنىڭ جانىندا بولعان جاپپاي توبەلەسكە قاتىسۋشىلاردى ىزدەستىرىپ جاتىر، دەپ حابارلايدى Almaty-akshamy.kz
باقىلاۋ كامەرالارى مەن كۋاگەرلەردىڭ ءتۇسىرىلىمىنىڭ ارقاسىندا بۇزاقىلار جاسىرىنعان كولىكتەر انىقتالدى. ونعا جۋىق ادام جول بويىندا توبەلەسكەن بولاتىن.
«قازىرگى ۋاقىتتا ناۋرىزباي اۋدانىنىڭ پوليسيا باسقارماسى فاكت بويىنشا تەكسەرۋ شارالارىن جۇرگىزىپ جاتىر. توبەلەسكە قاتىسۋشىلار مىندەتتى تۇردە انىقتالىپ، جاۋاپكەرشىلىككە تارتىلادى»، - دەپ ءتۇسىندىردى الماتى پوليسيا دەپارتامەنتىنىڭ باسپا ءسوز قىزمەتى.
وقيعانىڭ بارلىق قاتىسۋشىسى ۇستالعاننان كەيىن، ءتارتىپ ساقشىلارى جانجالدىڭ سەبەبىن انىقتاپ قانا قويماي، كىنالىلەردى جازالايدى.